“Urban Culture Festival”, kushtuar atyre që i sollën Tiranës ngjyrat që ajo gëzon sot

Nga Redaksia 05.12.2017 09:32

Dita e rinisë sjell në qytetin e Tiranës edicionin e parë të një eventi kushtuar atyre që kanë shënuar historinë e kulturës urbane, rebelëve, etaloneve të artit dhe revoltës sociale.

Disi për t’i kujtuar këtij qyteti që gjithmonë ka pasur një traditë për sa i përket kontroversialitetit dhe për të rikthyer ata të cilët kanë hedhur hapat e parë drejt një kulture të mirëfilltë underground për të cilën tashmë ndoshta jo të të gjithë janë të vetëdijshëm.

 

Telekom Electronic Beats me mbështetjen e Bashkisë së Tiranës sjellin në zemër të qytetit, përgjatë dy ditëve, një program dedikuar tërësisht performuesve dhe kulturës urbane. Idea lindi nga vetë fakti që Tirana nuk ka pasur kurrë një festival kushtuar kësaj kulture, e cila në vetvete gjithmonë ka përvetësuar dhe përfaqësuar aspekte të ndryshme të kësaj mënyre jetese nga një perspektivë lokale e mandej globale. Përgjatë dy dekadave të fundit, Tirana ka kaluar përmes shumë eventeve historike të frymëzuara nga lëvizjet e ndryshme muzikore dhe kulturore urbane, evente të cilat tashmë janë pjesë jo vetëm e historisë, por e vetë identitetit të saj. Nga house-i i hershëm apo kasetat me muzikë rock, tek festat e improvizuara dhe sulmet e policisë e deri tek trip-hop-i i fundit të viteve ’90 dhe background-et elektronike që i kanë dhënë jetë e ngjyrë qiellit të qytetit gjatë verës apo festave në magazina gjatë dimrit, apo nga hip-hop-i në dancehall, drum’n’bass e shumë të tjera… Tirana i ka parë e dëgjuar të gjitha! Prapa gjithë kësaj lëvizjeje, hera-herës të shkëputur dhe jo të vazhdueshme, qëndrojnë përpjekjet e shumë individëve të cilët dhanë kontributin e tyre për ta përfshirë Tiranën në lëvizjen globale të kulturës urbane.

Ky aktivitet synon të tregojë këtë histori dhe të festojë bashkë me ata të cilët ndihen të lidhur me kulturën urbane dhe përpiqen ta promovojnë atë.

ÇFARË DO GJENI NË URBAN CULTURE FESTIVAL? Nata e parë, në datën 8 dhjetor do sjellë në ambientet e Minus 1 [parkingu u Sheshit Skënderbej] legjendarët Asian Dub Foundation Sound System nga UK dhe NR Urban Roots, pionerët e muzikës rap/hip-hop nga Kosova. Lokacioni i cili rezultoi një sukses i vërtetë dhe origjinal në mbrëmjen e 22 shtatorit do rikthehet, dhe këtë herë në skenën e tij underground do ngjiten emra të cilët jo thjesht kanë qenë pjesë e momenteve vendimtare të ndryshimeve urbane globale dhe lokale, por kanë dhënë kontributin e tyre artistikisht në zhvillimin e kësaj kulture. Në ditën e saj të të dytë, 9 dhjetor, Urban Culture Festival do zhvendoset tek ikona e kësaj kulture: Piramida, me një program ditor i cili nis në orët e para të ditës me grafitti, skating, break dance, open mic, shfaqjen e imazheve në retrospektivë dhe mbi të gjitha, diskutimeve të cilat së bashku me këto aktivitete do krijojnë tablonë e parë të historikut të jetës urbane në Tiranë, dhe diskutimit të hapur mbi zhvillimin e mëtejshëm të saj. Mbrëmja e dytë rezervon një tjetër tribut ndaj zanafillës së jetës së natës që shijojmë tashmë në qytet, pasi do sjellë në skenë për të performuar me pllaka vinile [Vinyls] emrat të cilët kanë krijuar shtyllën mbi të cilën ngrihet kultura e muzikës [dhe jo vetëm] urbane në Tiranë. Gjithçka do vijë në kohë reale jo vetëm për pjesmarrësit dhe vizitorët, por edhe për të gjithë ata të cilët do duan ta ndjekin zhvillimin e këtij aktiviteti hap-pas-hapi falë transmetieve LIVE në rrjetet sociale.

Për informacione të mëtejshme, programi i detajuar të dyja ditëve ndodhet më poshtë:

8 Dhjetor – Parkimi i Sheshit Skënderbej 21:00 – 22:00 Erblin Bajko (AL) 22:00 – 23:00 The Funky Villainz (IT/AL) 23:00 – 24:00 NR (Urban Roots/ KS) 00:00 – 01:30 ASIAN DUB FOUNDATION (UK) 01:30 – 03:00 Draft (IT) 9 Dhjetor – Piramida

Daily Activities 11:00 – 13:00 Graffiti Live Action 11:00 – 13:00 BreakDance/ Skating/ Open Mic – Music by Positive Cuts 13:00 – 14:00 Talks 14:00 – 15:00 Screenings 18:00 – 19:00 Talks 19:00 – 21:00 Screening Music Program- OLD SCHOOL ELECTRONIC PARTY (VINYL ONLY) 21:00 – 22:00 MINIMIM 22:00 – 23:00 BESA M. 23:00 – 00:30 LEO CIKO 00:30 – IVI ABAZI./ KultPlus.com

 

Nga Redaksia 05.12.2017 09:32
Shkruaj Koment

Asnjë koment

Ende nuk ka komente!

Më lejoni tju them një histori të trishtuar! Ende nuk ka komente, por mund të jeni i pari që e komentoni këtë artikull.

Shkruaj një koment
Shiko të gjitha komentet

Shkruaj Koment

Hyrje

Fushat e patjetërsuara janë të shënuara me *

Nëse nuk jeni të regjistruar, atëherë klikoni Regjistro!

Para se të dërgoni komentin Tuaj ju lutemi që t’i përmbaheni rregullave të mëposhtme:

Mendimet e shprehura në komente janë opinione private të autorëve të komentit dhe nuk pasqyrojnë pikëpamjet e redaksisë së portalit informativ Titulli.

Gjithashtu lusim lexuesit e portalit Titulli që gjatë shkruarjes së komentit t’i përmbahen drejtshkrimit.

Redaksia mbanë të drejtën e mos aprovimit të komenteve me përmbajtje fyese, që janë vulgare, kërcënuese, raciste si dhe ato të cilat bëjnë thirrje në urrejtje etnike dhe nuk kontribuojnë në komunikim normal mes lexuesve të këtij portali.

Komentet që nuk kanë të bëjnë me temën dhe kanë përmbajtje të papërshtatshme rreth jetës private të personit në artikull, apo fyerje në autorët e tekstit si dhe anëtarët e redaksisë, nuk do të aprovohen.

Vërejtje: Për të dërguar komentin së pari duhet të regjistroheni me emrin (pseudonimin), me të cilin pas aprovimit nga redaksia, këtë emër unik (pseudonim) mund ta shfrytëzoni për dhënien e opinionit tuaj në hapësirën për komentim.