Komunat mund ta kontestojnë vërtetësinë e atësisë në rast dyshimi

Nga RedaksiaR 13.10.2017 09:01

Gjykata e Qarkut e Winterthurit do të detyrohet të bëjë konstatimin e atësisë biologjike të zviceranit mbi fëmijën. Ajo do ta marrë, po qe nevoja edhe në mënyrë të detyruar mostrën (pështymën) për testimin e ADN-së

Komuna e banimit ose e lindjes ka të drejtë t`ia kontestojë (sfidojë) ekzistimin e atësisë një burri në rast dyshimi se pretendimi i tij për atësi është i rrejshëm. Një vendim të tillë e ka marrë sot Gjykata Federale e Zvicrës, duke iu referuar rastit të një zvicerani 65 vjeçar i cili pohon se është babai i fëmijës tash 7 vjeçar që i ka lindur ish gruas së tij (kosovare) pas ndarjes. Albinfo.ch ka shkruar sot gjerësisht lidhur me rastin.

Komuna ku ai kishte lindur (Flums), pastaj ajo ku ai banonte (Winterthur) si dhe bashkësia e komunave të Kantonit të Cyrihut kishin ushtruar ankesë kundër njohjes së atësisë së tij, shkruan sda.ch. Por, sipas vendimit që ka marrë sot Gjykata Federale, dy komunat e përmendura kanë të drejtë për kontestim të atësisë ndërsa këtë të drejtë nuk e ka e treta, pra Bashkësia e Komunave.

Sipas shumicës së gjyqtarëve federalë, me rastin e shqyrtimit të legjitimitetit të ankesës duhet siguruar balanci i interesit të komunës me atë të fëmijës së prekur.

Në rastin konkret, zvicerani, pas ndarjes nga gruaja kosovare e ka pranuar si të vetin fëmijën që e ka lindur ajo, transmeton albinfo.ch. Mbi bazën e të drejtës për të marrë nënshtetësinë zvicerane, e drejtë kjo që i takon fëmijës por dhe mbi bazë të faktit se nuk ka pasur kontestim të njohjes së atësisë nga ana e babait, kosovarja ka pasur të drejtë qëndrimi në Zvicër pas ndarjes nga bashkëshorti i saj zviceran.

Kontestimi i atësisë së burrit deri tash ishte i pamundur pasi që ai refuzonte të jepte mostrën për të bëre testin e ADN-së. Gjykata e Lartë e Kantonit të Cyrihut e kishte përjashtuar bërjen e testit në fjalë në mënyrë të detyruar. Ndërsa tash, me vendimin e Gjykatës Federale, Gjykata e Qarkut e Winterthurit do të detyrohet të bëjë konstatimin e atësisë biologjike të zviceranit mbi fëmijën, përcjell albinfo.ch. Ajo do ta marrë, po qe nevoja edhe në mënyrë të detyruar mostrën (pështymën) për testimin e ADN-së, në rast se 65 vjeçari vazhdon të kundërshtojë.

 

Nga RedaksiaR 13.10.2017 09:01
Shkruaj Koment

Asnjë koment

Ende nuk ka komente!

Më lejoni tju them një histori të trishtuar! Ende nuk ka komente, por mund të jeni i pari që e komentoni këtë artikull.

Shkruaj një koment
Shiko të gjitha komentet

Shkruaj Koment

Hyrje

Fushat e patjetërsuara janë të shënuara me *

Nëse nuk jeni të regjistruar, atëherë klikoni Regjistro!

Para se të dërgoni komentin Tuaj ju lutemi që t’i përmbaheni rregullave të mëposhtme:

Mendimet e shprehura në komente janë opinione private të autorëve të komentit dhe nuk pasqyrojnë pikëpamjet e redaksisë së portalit informativ Titulli.

Gjithashtu lusim lexuesit e portalit Titulli që gjatë shkruarjes së komentit t’i përmbahen drejtshkrimit.

Redaksia mbanë të drejtën e mos aprovimit të komenteve me përmbajtje fyese, që janë vulgare, kërcënuese, raciste si dhe ato të cilat bëjnë thirrje në urrejtje etnike dhe nuk kontribuojnë në komunikim normal mes lexuesve të këtij portali.

Komentet që nuk kanë të bëjnë me temën dhe kanë përmbajtje të papërshtatshme rreth jetës private të personit në artikull, apo fyerje në autorët e tekstit si dhe anëtarët e redaksisë, nuk do të aprovohen.

Vërejtje: Për të dërguar komentin së pari duhet të regjistroheni me emrin (pseudonimin), me të cilin pas aprovimit nga redaksia, këtë emër unik (pseudonim) mund ta shfrytëzoni për dhënien e opinionit tuaj në hapësirën për komentim.