Xhamia e Madhe e Bursës ruan madhështinë edhe përkundër viteve

Nga Redaksia.B 14.06.2018 13:00

Xhamia e Madhe e Bursës (Ulu Cami), e ndërtuar me urdhër të Sulltan Bajazitit të Parë mes viteve 1396-1399, e cila ka vlerë si faltore e rëndësishme te besimtarët muslimanë, vazhdon të sfidojë vitet me madhështinë e saj, shkruan Anadolu Agency (AA).

E ndërtuar rreth 600 vite më parë në kryeqytetin e parë të Shtetit Osman, Bursa, Xhamia e Madhe e Bursës me 20 kupola bën pjesë në mesin e xhamive të rëndësishme në botën islame.

Udhëpërshkruesi Evlija Çelebi e përshkruan atë si “Ajasofja e Bursës”. Në këtë xhami ekspozohet edhe një mbulesë 500 vjeçare e Qabes, e cila xhamisë iu dhurua nga ana e Sulltan Selimit pasi u soll në Stamboll pas çlirimit të Egjiptit.

– Tiparet arkitekturale

Arkitekti i Xhamisë së Madhe të Bursës nuk është i njohur plotësisht, edhe pse mendohet të jetë ndërtuar nga Ali Neccar ose Haci Ivaz Pasha. Riparimi më gjithëpërfshirës është bërë pas tërmetit të vitit 1855, i cili shkatërroi 17 kupola të saj, për t’u rihapur në vitin 1862.

Xhamia u dëmtua edhe si pasojë e një zjarri në vitin 1889, ndërsa edhe përkundër këtyre fatkeqësive, ajo ka arritur ta ruajë pamjen e saj madhështore.

Xhamia ka përmasa 55 me 69 metra me një plan drejtkëndor. Me gjithsej 58 dritare, xhamia posedon një shatërvan dymbëdhjetëkëndor në mes, mbi të cilin kupola është e hapur për të mundësuar depërtimin e dritës.

Minberi i xhamisë është i ndërtuar nga dru arre dhe cilësohet si vepër arti. Ai është ndërtuar nga mjeshtri Haxhi Muhammed bin Abdulaziz Ibnu’d-Dakki. Në anën lindore të minberit gjendet gravurë që portretizon sistemin diellor, ndërsa në anën perëndimore sistemin galaktik.

– “Muze i arteve kaligrafike”

Me afër 200 pllaka kaligrafike dhe shkrime në murë, Xhamia e Madhe e Bursës cilësohet edhe si “muze i arteve kaligrafike”.

Brenda xhamisë ekzistojnë 13 karaktere të ndryshme të shkrimit, si dhe 105 pllaka dhe 87 shkrime në mur të shkruara nga 41 kaligrafistë.

– “Atmosferë që prek shpirtin e njeriut”

Turan Akyıldız, një nga qytetarët që kishte ardhur nga Stambolli dhe fali namazin e sabahut në këtë xhami, tha se vlera shpirtërore e kësaj xhamie është e madhe, duke u rekomanduar të gjithëve ta vizitojnë atë.

Ndërkaq, Yener Ilhan nga provinca verilindore Artvin, tha se është e pamundur të largohet nga Bursa pa falur namazin e sabahut në Xhaminë e Madhe. “Këtu ka një atmosferë më ndryshe. Ndihemi ndryshe në këtë xhami”, shtoi ai.

Murat Sevinçtekin, po ashtu nga Stambolli, e cilësoi si të veçantë atmosferën në këtë xhami. “Në namazin e sabahut, këtu ka një atmosferë që prek shpirtin e njeriut”, theksoi Sevinçtekin.

Nga Redaksia.B 14.06.2018 13:00
Shkruaj Koment

Asnjë koment

Ende nuk ka komente!

Më lejoni tju them një histori të trishtuar! Ende nuk ka komente, por mund të jeni i pari që e komentoni këtë artikull.

Shkruaj një koment
Shiko të gjitha komentet

Shkruaj Koment

Hyrje

Fushat e patjetërsuara janë të shënuara me *

Nëse nuk jeni të regjistruar, atëherë klikoni Regjistro!

Para se të dërgoni komentin Tuaj ju lutemi që t’i përmbaheni rregullave të mëposhtme:

Mendimet e shprehura në komente janë opinione private të autorëve të komentit dhe nuk pasqyrojnë pikëpamjet e redaksisë së portalit informativ Titulli.

Gjithashtu lusim lexuesit e portalit Titulli që gjatë shkruarjes së komentit t’i përmbahen drejtshkrimit.

Redaksia mbanë të drejtën e mos aprovimit të komenteve me përmbajtje fyese, që janë vulgare, kërcënuese, raciste si dhe ato të cilat bëjnë thirrje në urrejtje etnike dhe nuk kontribuojnë në komunikim normal mes lexuesve të këtij portali.

Komentet që nuk kanë të bëjnë me temën dhe kanë përmbajtje të papërshtatshme rreth jetës private të personit në artikull, apo fyerje në autorët e tekstit si dhe anëtarët e redaksisë, nuk do të aprovohen.

Vërejtje: Për të dërguar komentin së pari duhet të regjistroheni me emrin (pseudonimin), me të cilin pas aprovimit nga redaksia, këtë emër unik (pseudonim) mund ta shfrytëzoni për dhënien e opinionit tuaj në hapësirën për komentim.