Rritja e Vuçiqit, si rënia e Millosheviqit
Fitorja absolute e Partisë Përparimtare Serbe, me në krye Aleksandër Vuçiq, në zgjedhjet e parakohshme të 16 marsit, tregon qartë mentalitetin e mbrapshtë të qytetarëve serbë, të cilët asesi të lirohen nga sindromi i ekstremizmit, ultranacionalizmit e “izmave” të tjerë, me të cilat, ata, po ia mbyllin vetes rrugët e integrimeve evropiane. Shkruan: Kujtim Sadriu [caption id="attachment_106649" align="alignleft" width="300"]
Kujtim Sadriu,Këshilli i Partisë Liberale Demokratike
në Preshevë[/caption] Fitorja spektakulare e Vuçiqit, gjithashtu do ta çoj Serbinë në një qorrsokak politik, në një kolaps ekonomik dhe në trazira sociale, nga të cilat do të pësojnë të gjithë ata që me votën e tyre ia mundësuan këtij ultranacionalisti, i cili është në kundërshtim demokracinë perëndimore, duke e futur popullin serbë në një armiqësi me botën. Kush ka pasur rast ta përcjell fushatën elektorale të Vuçiqit dhe diskutimet e tij të mëhershme në Parlament, s’ka se si të mos çmendet nga skizofrenia e tij për vrasjen e mijëra myslimanëve, pastaj për kërcënimet ndaj ndërkombëtarëve etj. Pavarësisht nga fjalori i tij luftënxitës e revanshist, qytetarët e mbështetën me votën e tyre në sytë e vëzhguesve ndërkombëtarë. Populli serbë i verbëruar nga nacionalizmi i demoduar, i kanë shkuar parapa kasapit të dikurshëm të Ballkanit, satrapit Millosheviq, po i jep mbështetje Sheshelit në Tribunalin e Hagës dhe po e shpërblen me votën e besimit Vuçiqin, krejt në emër të një patriotizmi verbal. Ky popull ka nevojë për një vetëdijësim politik, ngase si mund të quhen patriotë këta politikanë që më së shumti e dëmtuan Serbinë, e cila për shumë vjet ka për t’i hequr sanksionet e një politike përçudshme e prapanike. A nuk është po ky Vuçiq, i cili për muaj të tërë e mbajti popullin e tij në Brigada në veri të Kosovës, dhe në fund i tradhtoi duke u thënë se kryeministër e keni Thaçin e jo mua! A nuk është po ky Vuçiq, i cili dikur thoshte hapur për ndërkombëtarët se po ua fusin nga një “bander” nga prapa e këta nga frika po thonë: O sa mirë po na rrinë! Por si do që të jetë kjo rritje e Vuçiqit, do të jetë në favor të shqiptarëve, ngase, ai, de fakto e ka njohur Kosovën me Marrëveshjen e Brukselit e sidomos me menaxhimin e integruar të kufijve. Ndërsa me fitoren bindëse do ta njoh Kosovën edhe de jure. Fitorja absolute e partisë së Vuçiqit, në këto zgjedhje të parakohshme parlamentare, ia mundëson atij ta ndërroj Kushtetutën e Serbisë, duke e korrigjuar atë me heqjen e Kosovës nga ajo. Është një karakteristikë e politikës serbe. Me këso premtime është rritur Milosheviqi, dhe me këso dështime ka ra, ndërsa për Vuçiqin do të vlejë edhe një formulë më e keqe, si ajo e Berluskonit në Itali, e Sadamit në……e Gadafit në……etj. Gjithnjë me shprehjen tonë popullore shumë të qëlluar: Soni harabatë! E gjith kjo na del se tani Vuçiqi është për urim, por fundin do ta ket me ngushllim.
