Tahiri: Kosova në pozitë më të favorshme në dialogun me Serbinë, çështja Luginës së Preshevës

Nga Redaksia 07.08.2018 07:31

Abelard Tahiri, ministër i Drejtësisë, ka thënë se Kosova është në pozitë më të favorshme në dialogun me Serbinë.

Sipas tij, kjo vlen sepse Kosovën e kanë njohur 113 shtete dhe fundi i procesit të dialogut do të sjellë ulësen e Kosovës në OKB.

“Është e rëndësishme që Kosova ka hyrë në fazën e rëndësishme apo siç quhet finale, ku pritet marrëveshje finale për integrim evropian të të dy shteteve dhe që fuqizon subjektivitetin ndërkombëtar të Kosovës ku do të siguronim ulëse në OKB”, ka thënë ai në Interaktiv të KTV-së, duke shtuar se angazhimi i madh i Perëndimit e tregon qartë se sa e nevojshme është mbyllja me sukses e dialogut.

Ai ka thënë se është pak e rëndësishme që Serbia ta njohë Kosovën, nëse Kosova arrin të sigurojë ulëse në OKB.

Sa i përket deklarimeve të presidentit Hashim Thaçi se do të diskutohet për korrigjim kufijsh, Tahiri ka thënë se e ka mirëpritur këtë diskutim “pasi duhet të adresohet çështja e shqiptarëve të Luginës së Preshevës”.

“Nuk do të ketë ndarje të Kosovës dhe jemi të angazhuar e përkushtuar. Ne kemi pozicion të favorshëm në raport me palën tjetër sepse Kosova është njohur nga 113 shtete. Thaçi flet për korrigjim të kufijve. Ndihem mirë që zyrtarisht po shfaqet diskutimi për Luginën e Preshevës. Po e adresojmë të drejtën e tyre për t’iu bashkangjitur Kosovës, por në asnjë rrethanë nuk flitet për ndarje të Kosovës. Duhet të adresojmë këtë çështje në nivel më të lartë. Kjo çështje s’ishte adresuar më herët. Tashmë e kemi një zotim të presidentit që të adresojë një çështje të tillë. Bashkëngjitja e atij territori Kosovës është hap tejet i rëndësishëm. S’po flasim për ndarje, por korrigjim të asaj që ka ndodhur të kaluarën. Për këtë po hyjmë në procesin e përfundimit të dialogut. Shohim përkushtim të madh edhe të BE-së e SHBA-së që këto dy vende të arrijnë marrëveshje të obligueshme për të dy palët”, ka thënë më tej ai.

Megjithatë, Tahiri ka shtuar se nuk mund të paragjykojë rrjedhjen e dialogun dhe fundin e tij, pos që “duhet të punohet maksimalisht që të shtrohet mundësia e korrigjimit të asaj që ka ndodhur në të kaluarën, që Lugina të jetë pjesë e territorit të Kosovës”.

Tahiri ka vlerësuar se politika kosovare është vonë për fazën e ardhshme të dialogut.

“Jemi vonë sepse s’kemi pa asnjë debat në nivele zyrtare që të kemi bashkëpunim mes forcave parlamentare për një proces të tillë. S’dua të paragjykoj si do të jetë fundi i dialogut, por që Kosova po hyn në proces të favorshëm negociues me Serbinë, që u hap procesin e integrimit dy vendeve. S’ka konsensus, as gatishmëri për të biseduar”, ka shtuar ai.

Tahiri ka thënë se Vetëvendosje, si parti opozitare, nuk e meriton të jetë fare pjesë e dialogut. Sipas tij, kjo parti nuk e njeh shtetin e Kosovës dhe ka kërkuar një republikë të tretë.

“Nga VV s’pres konstruktivitet asnjëherë, sepse ata janë njerëz që e kanë kundërshtuar çdo proces të shtetndërtimit. Ata kanë shkuar aq larg sa sot e kërkojnë një republikë të tretë, dhe si mund të vijë në emër të përfaqësuesve të qytetarëve një parti që nuk e pranon një flamur të një shteti e as një simbol të tij. Mendoj se as që duhet të jetë pjesë e një ekipi uniteti sepse e ka kundërshtuar çdo proces të shtetndërtimit e duke bërë edhe kërkesë për republikë të tretë”, ka deklaruar Tahiri.

Nga Redaksia 07.08.2018 07:31
Shkruaj Koment

Asnjë koment

Ende nuk ka komente!

Më lejoni tju them një histori të trishtuar! Ende nuk ka komente, por mund të jeni i pari që e komentoni këtë artikull.

Shkruaj një koment
Shiko të gjitha komentet

Shkruaj Koment

Hyrje

Fushat e patjetërsuara janë të shënuara me *

Nëse nuk jeni të regjistruar, atëherë klikoni Regjistro!

Para se të dërgoni komentin Tuaj ju lutemi që t’i përmbaheni rregullave të mëposhtme:

Mendimet e shprehura në komente janë opinione private të autorëve të komentit dhe nuk pasqyrojnë pikëpamjet e redaksisë së portalit informativ Titulli.

Gjithashtu lusim lexuesit e portalit Titulli që gjatë shkruarjes së komentit t’i përmbahen drejtshkrimit.

Redaksia mbanë të drejtën e mos aprovimit të komenteve me përmbajtje fyese, që janë vulgare, kërcënuese, raciste si dhe ato të cilat bëjnë thirrje në urrejtje etnike dhe nuk kontribuojnë në komunikim normal mes lexuesve të këtij portali.

Komentet që nuk kanë të bëjnë me temën dhe kanë përmbajtje të papërshtatshme rreth jetës private të personit në artikull, apo fyerje në autorët e tekstit si dhe anëtarët e redaksisë, nuk do të aprovohen.

Vërejtje: Për të dërguar komentin së pari duhet të regjistroheni me emrin (pseudonimin), me të cilin pas aprovimit nga redaksia, këtë emër unik (pseudonim) mund ta shfrytëzoni për dhënien e opinionit tuaj në hapësirën për komentim.