Lamtumirë komandant Junuz Musliu (video)
Qytetarë shqiptarë të Luginës së Preshevës dhe viseve të tjera shqiptare ia dhënë sot lamtumirën e fundit Kryetarit të Kuvendit të Bujanocit, njëherësh atij të Këshillit Nacional Shqiptarë dhe kryetarit të Lëvizjes së Progresit Demokratike, Junuz Msuliut i cili dy ditë më parë ndërroi jetë pas një sëmundje të rëndë.Garda e nderit e Republikës së Kosovës, trupin e pajetë të atdhetarit Junuz Msuliu e ka sjellë deri tek pika kufitare Dheu i Bardhë, nga ku u përcjell me nderime të larta ushtarake të Gardës dhe veteranëve të Ushtrive Çlirimtare për në vendlindjen e tij në fshatin Konçul.
Në shkollën e fshatit Konçul u organizuan homazhe nga qindra qytetarë që ishin prezent dhe u varros në vendlindjn e tij aty ku jetoi dhe veproi.
Jonuz Musliu ka ndërruar jetë në moshën 59 vjeçare në Edrene të Turqisë.
Ai ishte udhëheqës politik i Ushtrisë Çlirimtare për Preshevë, Medvegjë e Bujanoc, ndërsa ishte edhe njëri nga udhëheqësit e Ushtrisë Çlirimtare të Kosovës.
Musliu kishte vuajtur disa vite burg në pushtetin e Jugosllavisë, i dënuar për veprimtari atdhetare shqiptare./Baki Rexhepi -RTK/
