Lokale
Presheva, “rekorder botëror” në vjedhjen e rrymës!
“Në Preshevë, në gjashtë muajt e parë të këtij viti kanë humbur 52.5 për qind të energjisë elektrike që deri më sot nuk është regjistruar askund në botë”, thonë drejtuesit e Elektrodistribucionit “Jug-Lindor”.
Në komunë të Bujanocit kanë humbur 46 për qind e energjisë furnizuese, ndërsa në Nish 24,8 për qind.
Sipas fjalëve të drejtuesve të qendrës për reduktimin e humbjeve në “Jug-Lindje” Mirolub Jovanoviq, në gjysmën e parë të këtij viti, në raport me periudhën e njëjtë të vitit të kaluar, Shoqëria ekonomike “Jug-Lindje” ka arrit të zvogëlojë harxhimet për 38 milionë kilovatë, e cila kësaj ndërmarrje i ka sjellë të ardhura prej 235 milion dinarë.
“Po marrim të gjitha masat që të reduktojmë vjedhjet e energjisë elektrike, dhe humbjet teknike. Jemi duke zëvendësuar matësit elektrik si dhe zhvendosjen e tyre jashtë shtëpive dhe banesave, e cila është një mënyrë për t’i pamundësu shfrytëzuesve vjedhjen e rrymës. Të gjitha këto përpjekje kanë për qëllim zvogëlimin e humbjeve me 2.2 për qind. Kursimi i këtyre kilovatëve është i barabartë me konsumin e energjisë që bënë qyteti i Vranjës për të gjithë muajin janar”, ka thënë Jovanoviq, transmeton Titulli.
Ai rikujton se humbjet komerciale dhe teknike në fund të vitit të kaluar, në rajonin “Jug-Lindje”, arritën në 18.5 për qind të totalit të energjisë furnizuese, respektivisht 864 milion kilovatë energji elektrike.
Jovanoviq tha se kilovatët e humbur janë të barabartë me harxhimet vjetore të rrymës që bënë Vranja së bashku me Pirotin./Titulli.com/
Mund ti tregoni shoqërisë për këtë artikull!
