Lokale
KKSH: Probleme serioze në përdorimin e dygjuhësisë në Luginë
Këshilli Kombëtar Shqiptar (KKSH) në një konferencë për gazetar në Bujanoc ka paraqitur të arriturat gjatë vitit 2013 dhe është vlerësuar se ky institucion është përballur dukshëm me probleme financiare dhe të bashkëpunimit me qeverisjet lokale.
Galip Beqiri, kryetar KKSH-së deklaroi se në mungesë të mjeteve financiare shumë çështje në interes ë shqiptarëve kanë mbetur pa u realizuar por edhe ka pasur përparime në fusha të caktuara.
”Nuk kemi mundë të zgjidhin çështjen e përdorimit të simbolit kombëtar, edhe pse kemi bërë kërkesë në ministrit përkatëse në Serbi ku kemi marrë përgjigje negative”, tha Beqiri, raporton Titulli.
Sipas Beqirit çështja e arsimit shqip në këtë rajon mbetet brengë kryesore e shqiptarëve, pranimi i diplomave, mungesa e teksteve shkollore në gjuhën shqipe, zbatimi i dygjuhësisë e shumë të tjera.
Këshilli Kombëtar Shqiptarë ka të punësuar 5 bashkëpunëtorë profesional, 2 ndihmës dhe paguan anëtarët me kontratë në vepër në fusha të caktuara të arsimit, kulturës e mediave.
Çështje që është përfolur shumë është edhe zbatimi i dygjuhësisë në nivelin lokal dhe atë qendrorë, ku KKSH akuzon pushtetet lokale se janë duke e bllokuar këtë proces për interesa të tyre.
“Ne kemi kërkuar që në Bujanoc e Preshevë të formohen sektor të posaçëm me përkthyes profesional që do të jenë në shërbim të përkthimit të dokumenteve zyrtare në polici, gjyqësi, ofiqari ku edhe po bëhet bastardimi gjatë regjistrimit të emrave të foshnjave shqiptare”, theksoi Beqiri.
Këshilli Kombëtar Shqiptar është institucion i themeluar për pakicën shqiptare në Serbi dhe sipas ligjeve në fuqi parashihen kompetencat në lëmin e arsimit, kulturës, informimit, përdorimit zyrtar të gjuhës dhe simboleve kombëtare./Titulli.com/
_______________________________________________________________________________________________________
http://youtu.be/nDMCSCn7Yyc
Mund ti tregoni shoqërisë për këtë artikull!
