Lokale
Bujanoci në përkrahje të kryeministrit të Turqisë, Rexhep Taip Erdoan (video)
Në përkrahje të veprës dhe figurës së liderit të Turqisë, Rexhep Taip Erdoan një grup e njerëzve organizuan në Bujanoc një tubim në shenjë mbështetje për politikën dhe lidershipin e kryeministrit të Turqisë.
Nga ky manifestim i zhvilluar në ambient të mbyllur është promovuar edhe vepra dhe rrugëtimi i Rexhep Taip Erdoan deri në zhvillimin e tanishëm të shtetit të Turqisë.
Ibrahim Rustemi deklaroi se veprat e Erdoan mundë të jenë një shembull i mirë për vendin tonë.
“Shteti i Turqisë ka një bashkëpunim të ngushtë ekonomik, politik dhe vëllazërorë me shtetet e Ballkanit andaj ne si pjesë e këtij gadishulli do të mundohemi që bashkëpunim ta rrisim në fusha të ndryshme që janë në interes të shoqërisë sonë”, tha Rustemi, raporton Titulli.
Driton Bajrami, nxënës i shkollës së mesme “Sezai Surroi” në Bujanoc i cili ka marrë pjesë në seminare të ndryshme në Turqi ka lexuar disa porosi që jep Rexhep Taip Erdoan para popullit turk.
“Populli nuk nënshtrohet, Turqia nuk mposhtet. Nuk ka ndalesa rruga vazhdon”, i citoi këto fjalë Bajrami të kryeministrit të Turqisë.
Gjithashtu gjatë këtij tubimi u lexua edhe një biografi e shkurtër e jetës dhe veprës së liderit Rexhep Taip Erdoan të partisë për Drejtësi dhe Zhvillim “AK PARTI” i cili po udhëheq shtetin e Turqisë./Titulli.com/
Bujanoci ne perkrahje te Erdoganit by dm_5146dfb48e28e
Mund ti tregoni shoqërisë për këtë artikull!
