Lokale
Zvicra pro formimit të fondit për Luginën
Bisedimet e liderëve shqiptar të Luginës tashmë të filluara me Qeverinë në Beograd po gjejnë përkrahje të gjerë nga faktori ndërkombëtar.
Ambasadori i Zvicrës në Beograd, Jean-Daniel Ruch i ka dhënë një përkrahje të parezervë këtyre bisedimeve pasi me përfundimin e tyre do të përmirësohen kushtet e jetesës në këtë rajon.
“Ne së bashku me kolegët Amerikan dhe Evropian kemi për të punuar shumë në këtë drejtim për të realizuar këtë plan”, është shprehur të martën, diplomati Jean-Daniel Ruch gjatë qëndrimit të tij në Preshevë, raporton Titulli.
Ai matej ka dhënë ide konkrete për të ndihmuar këto komuna të varfra në jug të Serbisë.
“Për të ndihmuar ekonomin duhet të formohet një fond për Preshevën”, është shprehur ndër të tjera ambasadori zviceran.
Bisedimet në mes të liderëve të Luginës dhe Beogradit për zgjidhjen e problemeve të shqiptarëve që jetojnë në Preshevë, Bujanoc dhe Medvegjë, janë pezulluar si pasojë e fillimit të rikonstruimit të Qeverisë së Serbisë./Titulli.com
Mund ti tregoni shoqërisë për këtë artikull!
