Lokale
Ushtria serbe i drejton pushkën profesorëve tërnocas
Pjesëtarë të ushtrisë serbe gjatë orëve të pasditës së sotme kanë ndaluar tre qytetarë shqiptarë nga Tërnoci i Bujanocit të cilët po shëtisnin në mal për tu relaksuar.
Ngjarja ka ndodhur të dielën në malin e fshatit Tërrnoc të komunës së Bujanocit, i kanë thënë agjensisë së lajmeve Lugina Press personat në fjalë.
Reshat Rexhepi-profesor i gjuhës angleze, Naser Zairi-pofesor i gjuhës shqipe dhe Adem Avdili-agronom, kishin dalur për të shetitur ku paprtimas ishin ndaluar nga ushtria serbe.
“Sot në orën 16:42 minuta kemi qenë duke ecur rrugës së malit nja 200-300 metra mbi vendin e quajtur “Ara e Selimit”, papritur na kanë dal në rrugë 4 ushtarë të armatosur deri në dhëmbë, me armë në gjendje gatishmërie të drejtuar kah ne, në një distancë prej 3-4 metrave njëri prej tyre u prezentua duke thënë “Srpska Vojska” dhe na kërkoi letër njoftimet, ne nuk i kishim me vete duke menduar se nuk jemi në kufi”, theksoi Rexhepi.
“Derisa oficeri na mori emrat e mbiemrat dhe profesionin, tre ushtarët tjerë mbanin armët në drejtim tonin në gjendje gatishmërie, mu sikur në kohën e Millosheviçit”, tha ndër të tjera Reshat Rexhepi.
Ai ka theksuar se së bashku me Naser Zahirin dhe Adem Avdilin kanë dalë për shetitje në rrugët malore, për rekreacion. Lloje të tilla shetitjesh sipas deklaratës në fjalë ata zakonisht bëjnë një herë në javë, të shtuneve apo të dielave./Titulli.com/
(Foto: ilustrim)
Mund ti tregoni shoqërisë për këtë artikull!
