Lokale
Nisë manifestimi “Flakadani Karadakut 2014” – kujtohet komandant Mjekra (video)
Të premten zyrtarisht ka nisur manifestimi kulturo – sportiv “Flakadani i Kradakut 2014”, i cili personifikon veprën heroike të dëshmorit të kombit Nijazi Azemi komandant Mjekra , i cili ra heroikisht në vijën e parë të frontit në fshatin Kurbali më 26 mars të viti 2001.
Nën organizimin e Kuvendit Komunal të Vitisë, në Shtëpinë e Kulturës “Gursel e Bajram Sylejmani” në Viti, ka filluar të premten zyrtarisht manifestimi tradicional kulturoro–sportiv “Flakadani i Karadakut 2014”, i cili i kushtohet jetës dhe veprës së dëshmorit të UÇPMB-së Nijazi Azemi–komandant Mjekra.
Manifestimi i cili do të zgjasë plot 6 ditë, e shpalli të hapur kryetari i Vitisë-Sokol Haliti , i cili theksoi se ky manifestim është festë për qytetarët e Vitisë dhe nderë që mbanë manifestimin për njërin ndër figurat legjendare të kësaj komune.
“Ishte Marsi i betejës së lavdishme të UÇPMB-së, kur nënë komandën e komandant Mjekrës , iu bë e ditur edhe një herë ushtrisë serbe se kjo tokë ka qenë dhe do të mbetet e shqiptarëve dhe ka kush përkujdeset për popullatën e asaj ane të Kosovës Lindore”, tha kështu kryetari i Vitisë Sokol Haliti, raporton TV Presheva.
Flakadanin e vitit 2014 zyrtarishtë e ndezën: vajza e komandantë Mjekrës-Liridona, kryetari i OVL së UÇPMB-së Nazmi Hajredini, kryetari i komunës së Vitisë Sokol Haliti dhe Xhavit Jashari kryetar i shoqatës së familjeve të dëshmorëve të UÇK-së.
Në manifestim morën pjesë edhe përfaqësuesit e Organizatave të dala nga lufta e UÇK-së dhe UÇPMB-së, dhe përfaqësues të institucioneve të Luginës së Preshevës.
“Flakadani Karadakut”, tashmë është bërë manifestim i parë institucional e që do të organizohet çdo vit nga Kuvendi Komunal i këtij qyteti.
Nijazi Azemi-komandant Mjekra ra heroikisht në vijën e parë të frontit në fshatin Kurbali të Preshevës.
Nijaziu ishte pjesë aktive e demonstratave të 28 marsit të viti 1989 , dhe më pas me të filluar lufta e UÇK-së ai iu bashkëngjitë brigadës ,,BEDRI SHALA,, ku dhe mori pjesë në betejën e lavdishme të thyerjes së kufirit shqiptaro–shqiptarë në Koshare.
Pas përfundimit të luftës së Kosovës, Nijazi Azemi kthehet në vendlindje me krenarinë e një çlirimtari, por me brengën se pjesët tjera të vendit ishin ende nën robëri dhe vuanin nga okupimi serb, dhe ai menjëherë iu bashkëngjitë UÇPMB-së./Titulli.com/
Mund ti tregoni shoqërisë për këtë artikull!
