Më pas përfaqësuesit e çdonjërësës nga grupet pjesëmarrëse të këtij Festivali të shoqëruar edhe nga drejtori i Shtëpisë së Kulturës "Abdulla Krashnica, Gani Veseli u pritën në kabinetin e kryetares së komunës, Ardita Sinani.

Drejtori i Shtëpisë së Kulturës "Abdulla Krashnica", Gani Veseli e shpalli të hapur festivalin duke vlerësuar lartë gatishmërinë e pushtetit lokal për bashkëpunim në organizimin e kësaj ngjarje.

Kryetarja e komunës së Preshevës, Ardita Sinani, përshëndeti fillimin e festivalit duke uruar gjithashtu mysafirët dhe të gjithë qytetarët e komunës së Preshevës, sidomos bashkëatdhetarët tanë të cilët po i kalojnë pushimet e tyre në vendlindje.

Sinani vlerësoi lartë rëndësinë e artit dhe kulturës për krijimin e urave lidhëse dhe të bashkëpunimit mes qyteteve dhe rretheve shqipfolëse në rajon, duke u shprehur se ky bashkëpunim nuk do të mbetet vetëm kulturorë por do të thellohet edhe në sfera tjera.

Programi kulturor i pasur artistik me këngë e valle i grupeve pjesëmarrëse të festivalit u mbajtë në ambientë të hapur të shtëpisë së kulturës në Preshevë./kkp/