Lokale
Tërnoci zgjedhë kryetarin
Anëtarët e Këshillit të Bashkësisë Lokale në Tërnoc sot kanë mbajtur mbledhjen konstituive me ç’rast kanë zgjedhur udhëheqësinë e re.
Agimi Haliti është rizgjedhur për kryetar të fshatit më të madh në Luginë të Preshevës dhe më gjerë në rajon.
Halitin e votuan 13-të anëtarët e rinj nga 16-të sa ishin prezent, prej gjithsejtë 19-të sa ka Këshilli i Bashkësisë Lokale të Tërnocit, raporton Titulli.
Gjatë mbledhjes konstituive si kundër kandidatë i Halitit ishte Veli Idrizi i cili nuk arriti të sigurojë votat e nevojshme për drejtues të fshatit.
Kryetari i rizgjedhur i fshatit Tërnoc Agim Haliti falënderoi të pranishmit për zgjedhjen e tij duke thënë se detyrën do ta kryejë me nderë.
Në mbledhjen që zgjati rreth dy orë u zgjodhën edhe dy zëvendës të kryetarit, Arbër Pajaziti dhe Naim Salihu.
Në komunë të Bujanocit gjatë muajit prill janë mbajtur zgjedhjet për anëtarët e rinj të Bashkësive Lokale.
Në disa fshatra zgjedhjet janë përsëritur për shkak të parregullsive të raportuara nga komisioni zgjedhor.
Duhet theksuar se gjatë katër viteve e fundit, Tërnoci fshat shqiptar, është drejtuar nga kryetari i rizgjedhur Agim Haliti./Titulli.com/
Mund ti tregoni shoqërisë për këtë artikull!
