Lokale
Tërnoc: 21 vjeçari sulmohet me armë zjarri (foto)
Mbrëmë rreth orës 23:30 minuta në hyrje të fshatit Tërnoc nga drejtimi i fshatit Turi, në makinën e tij është sulmuar SH.H. nga ky vendbanim.
Sipas dëshmitarëve okular ngjarja ka ndodhur para mesnatës, në momentin që SH.H. (emri i njohur për redaksinë) po hynte në fshatin Tërnoc të komunës së Bujanocit dhe ishte drejtuar për në shtëpinë e tij në këtë fshat.
Burimi i Portalit Informativ Titulli thotë se në momentin që viktima po udhëtonte është shtënë në drejtim të tij me armë të kalibrit të vogël nga persona të panjohur.
Policia nga stacioni policor në Bujanoc sot kanë dalë në vendngjarja ku kanë bërë edhe vëzhgimin e terrenit.
Për fat të mirë SH.H. (21) nuk është qëlluar nga plumbat, ndërsa i njëjti është marrë në pyetje edhe nga policia.
Në momentin e këtij sulmi i riu tërnocas po ngiste makinën VW Golf 2. Portali Informtativ Titulli ka arritur të sigurojë edhe fotografitë nga vendi i ngjarjes gjatë vëzhgimit që sot bëri policia./Titulli.com/
Mund ti tregoni shoqërisë për këtë artikull!
