Shkollat e Shqipërisë dhe Kosovës tekst të njëjtë për gjuhën shqipe, a do ti bashkohet Lugina e Preshevës kësaj nisme?

Nxënësit e Shqipërisë dhe Kosovës, nisur nga viti i ardhshëm shkollor do ta mësojnë gjuhën shqipe me një tekst të përbashkët.

“Ky është një hap i rëndësishëm për të kuptuar që dy vendet tona me një gjuhë të përbashkët duhet ta nisim gjithmonë nga gjuha për të unifikuar kurrikulat”, tha Mimoza Hysa, drejtore e Qendrës së Botimeve për Diasporën.

Libri “Gjuha Shqipe dhe kultura shqiptare” është ideuar për klasat e para deri në të treta.

“I gjithë qëllimi ynë ka qenë fshirja e kufijve nëpërmjet librit shqip”, tha Rita Petro, autore tekstesh shkollore.

Ministritë e Arsimit të dy vendeve e cilësojnë njësimin e gjuhës për shkollat shqipe në Diasporë si një faktor të rëndësishëm për ruajtjen e identitetit.

Kvsja nisme do të duhej ti bashkohej edhe shqiptarët e Luginës të cilët nuk kanë tekste adekuate për nxënësit e shkollimit fillorë dhe atij të mesmëm.

Libri i gjuhës shqipe nga janari i vitit të ardhshëm do të jetë i aksesueshëm edhe online.