Kjo është hera e tretë që nga fillimi i pandemisë që Serbia u jep të rinjve nga 100 euro.

Por duke mos përfunduar me kaq, së fundi presidenti serb, Aleksandar Vuçiq ka deklaruar se në fund të majit, apo në fillim të qershorit do t’u japin sërish nga 100 euro të rinjve të kësaj moshe.

“Sapo përfunduam takimin me kryeministren Ana Brnabiq, ministrin e Financave, Snisha Mali dhe unë mund të them se do të bëjmë njerëzit sërish të lumtur. Do ta shihni se nuk ka të bëjë fare me zgjedhjet. Në fund të majit, në fillim të qershorit do t’u japim edhe 100 euro të rinjve të moshës 16 deri në më pak se 30 vjeç”, tha Vuçiq.

Ai poashtu deklaroi se shteti serb është i gatshëm të ndajë edhe 102 milionë euro për të rinjtë.

Sipas tij shteti kujdeset për nënat dhe baballarët, por se duhet pasur kujdes edhe për fëmijët.

“Nuk më interesojnë kritikat”, shtoi ai.