Lokale
Reagime pozitive për Rezolutën
Në Luginën e Preshevës është mirëpritur miratimi i Rezolutës në Parlamentin Republikan të Kosovës, për më shumë të drejtat të shqiptarëve në Preshevë, Bujanoc dhe Medvegjë.
Përfaqësuesit institucional, politik dhe ata të organizatave që tubojnë shqiptarët e Luginës, inkurajojnë deputetët e Kuvendit të Kosovës, për kontributin e dhënë, ndërkohë që presin nga Qeveria e Kosovës, që sa më parë të fillojnë implementimin e saj.
Nagip Arifi – Kryetar i Komunës në Bujanoc e ka përshëndetur vendimin e Kuvendit, ndërkohë që ka shfaqur shpresën që Rezoluta të gjejë përkrahje edhe nga Qeveria e Kosovës.
Kryetar i Kuvendit në Bujanoc, Jonuz Musliu, në një deklarat për PreshevaNEWS, ka shfaq optimizmin e tij për siç ka thënë fillimin e interesimit institucional të Kosovës për shqiptarët e Luginës.
Edhe Ragmi Musfata – KDNJ, e ka përshëndet miratimin Rezolutës duke konsideruar se ajo mbështet kërkesat thelbësore të reciprocitetit gjatë kohë të kërkuar ndër shqiptarët e kësaj zone.
Rezoluta me të cilën u jepet mbështetje shqiptarëve të Luginës së Preshevës në përpjekjet e tyre për realizimin e të drejtave që u përkasin në përputhje me konventat ndërkombëtare, është e para në historinë e Kosovës.
Ndërkohë që shqiptarët e Luginës janë optimist për implementimin e saj, duke pas për bazë vullnetin shprehur në debatin për Rezolutën dhe nivelin e informimit të deputetëve të Kosovës për gjendjen në Preshevë, Bujanoc dhe Medvegjë./Titulli.com/
Mund ti tregoni shoqërisë për këtë artikull!
