PVD do të marrë pjesë e vetme në zgjedhjet parlamentare

Nasufi i ka thënë agjencisë Beta që kryesia e PVD-së është pajtuar që i pari në listë për deputetë të jetë profesori i kimisë nga Bujanoci Fatmir Hasani, i cili është edhe anëtar i kryesisë, e dyta të jetë Ardita Sinani, e cila është bartëse e listës, ndërsa kandidati i tretë do të jetë funksionari i PVD-së nga Bujanoci, Driton Rexhepi, përcjell N1 shkrimin e agjencisë Beta.

Në mesin e kandidatëve për deputetë nuk gjenden deputetët e përbërjes aktuale të Kuvendit të Serbisë, Riza Halimi, i cili është edhe kryetar i PVD-së, si dhe Shaip Kamberi, i cili më herët ka qenë kryetar i komunës së Bujanocit.

“Është arritur kompromisi që bartësi i listës të jetë nga Presheva, ndërsa kandidati i parë në listë për deputetë të jetë nga Bujanoci. Lista do të zgjerohet aq sa parashihet me ligj, sigurisht që do të ketë edhe kandidatë nga Medvegja, por reale është që në zgjedhje PVD nuk mund të fitojë më shumë se dy deputetë”, ka theksuar Nasufi.

Nasufi ka thënë se bisedimet mbi daljen në zgjedhje në koalicion të gjerë me partitë tjera shqiptare nuk kanë pasur sukses.

“Ardita Sinani është zgjedhur të jetë bartëse e listës sepse ajo tanimë është kryetare e degës së PVD-së në Preshevë dhe ka besimin e njerëzve. Presim që kjo të motivojë votuesit dhe të rrit daljen në zgjedhjet parlamentare”, ka thënë Nasufi./Titulli.com/