Lokale
OSBE ngushëllon familjen, kërkon zbulimin e autorëve
Shefi i Misionit të OSBE-së në Serbi shpreh ngushëllime për vdekjen e policit Goran Gjorgjeviq
Shefi i Misionit të OSBE-së në Serbi, Ambasadori Peter Burkhard, i ka shprehur sot ngushëllime familjes, miqëve dhe kolegëve të policit të ndjerë Goran Gjorgjeviq si dhe Ministrisë së Punëve të Brendshme të Republikës së Serbisë me rastin e humbjes së kolegut.
Gjorgjeviq ka ndërruar jetë sot pas plagëve të marrura më 21 tetor në rrethinën e Bujanocit nga goditja e një makine të dyshimtë, të cilën kishte tentuar të ndalonte.
„Polici Gjorgjeviq është vrarë në detyrë gjersa ishte në mbrojtje të të gjithë qytetarëve në Serbinë jugore. Shpresoj që të gjithë qytetarët në Serbinë jugore s’bashku me autoritetet, në përputhje me sundimin e ligjit, do të punojnë në zbulimin e autorëve të kësaj vepre të rëndë penale“, tha Burkhard./Titulli.com/
--------------------------------------------------------------------------------------------------------------------------------------------------------------------------------
http://youtu.be/yfahOrUZOB0
Mund ti tregoni shoqërisë për këtë artikull!
