Në Luginë deri më tani 713 refugjatë të regjistruar

Vendkalimi kufitarë mes Serbisë dhe Maqedonisë, ndonëse është funksional, për qytetarët e Kumanovës është i mbyllur, nuk lejohet asnjë qytetarë që të hyjë në Serbi, ndërsa një numër i vogël i familjarëve të zhvendosur në Preshevë që kishin shkuar t`i shohin shtëpitë e tyre, nuk janë lejuar të kthehen sërish në Luginë.

Nga ana tjetër thirrjen e Kryeministrit serb Aleksandër Vuçiq, i cili përmes medieve serbe ka “lutur miqtë shqiptarë” në Luginë të ruajnë qetësinë, për deputetin Shaip Kamberi, janë irituese dhe paraqesin kërcënim dhe si të tilla janë shqetësuese, transemton RTK.

Kamaberi, konsideron se fushata denigruese e medieve, analistëve, madje edhe e vet kryeministrit serb, është paralajmërim për ndonjë skenar çfarë shqiptarët në Luginë kanë parë me qindra deri më tani.

Deputeti Kamberi, ka ftuar qytetarët shqiptarë që të ruajnë gjakftohtësinë dhe të mos bien pre e provokimeve të mundshme.

Ndërkaq, në Luginë vazhdon përqendrimi i forcave të shumta policore, ushtarake dhe të xhandarmërisë serbe, me pretekst të ruajtjes së qetësisë nga ndonjë incident i mundshëm i influencuar nga rasti i Lagjes së Trimave në Kumanovë. /Titulli.com/