Nga pagesa e autostradës në Preshevë grumbullohen 6 milion euro për 2017

Përmes komunave Bujanoc dhe Preshevë kalon korridori 10 dhe hekurudha që lidh Serbinë me Selanikun në Greqi e vendet tjera aziatike dhe anasjelltas ndërsa të mirat e pagesës së autostradës nuk i shfrytëzojnë komunat e përmendura shqiptare.

Sipas statistikave nga ndërmarrja publike “Putevi Srbije” gjatë vitit 2017 pikë kalimin e pagesës së autostradës në Preshevë e kanë kaluar rreth 6.5 milion  automjete të klasifikuara në katër kategori, shkruan Titulli.com.

 Të njëjtat të dhëna tregojnë se në pikë pagesat e autostradës gjatë kalimeve të automjeteve për vitin 2017 nga Nishi deri në Preshevë, janë grumbulluar rreth 6 milion e 100 mijë euro, raporton Titulli.com.

Sami Salihu, kryetar I kuvendit komunal të komunës së Preshevës ka thënë se Lugina s’ka përfituar nga ky buxheti i grumbulluar I  autostradës edhe pse gjeografikisht kalon përmes këtij rajoni.

Sipas Salihu kjo është si rezultat i politikave diskriminuese dhe të centralizuara të Beogradit që komunat Preshevë dhe Bujanoc nuk kanë pasur përfitime nga korridori 10.

Pagesat e autostradës bëjnë pjesë në kapitalin e transportit ndërkombëtar të Serbisë dhe janë të rëndësisë nacionale në Serbi ndërsa mjetet e grumbulluara shkojnë në buxhetin republikan./Titulli.com/