Lokale
“Muzeu i dhunës” në Bujanoc
Në shtëpinë e kulturës në Bujanoc është hapur ekspozita me emrin „Muzeu i dhunës“, në të cilën janë shfaqur dokumentacionet mjekësore të viktimave të dhunës. Ekspozita është realizuar me ndihmën e Zyrës për të Drejtat e Njeriut dhe Pakicave dhe Fondit për Shoqëri të Hapur.
Vizitorët e ekspozitës kanë pasur mundësi të shohin incizimet radiologjike, deklaratat, fotografitë dhe raportet mjekësore rreth lëndimeve të cilët viktimat e dhunës e kanë pësuar, pasojë e diskriminimit, dhunës në familje, dhunës moshatare, si dhe dhunës ndaj shoqërive të pakicave dhe grupeve të margjinalizuara.
Realizatori i projektit Radojica Bunçiq, i cili është anëtar i organizatës „Kultur Park“, ka ftuar qytetarët dhe të rinjtë nga komuna e Bujanocit që gjatë mbajtjes së ekspozitës t`i dorëzojnë kësaj organizatë të gjitha lëndët dhe dokumentacionet të cilat shprehin në atë se dikur kishin qenë viktima të dhunës, raporton TK.
Viktimat e dhunës mund edhe personalisht ti drejtohen kësaj organizate. Ai ka theksuar se njerëzit në të gjitha qytetet e Serbisë, pa marrë parasysh se çfarë nacionaliteti, feje, ngjyre, përkatësisë seksuale etj. i takojnë ballafaqohen me dhunën ose diskriminimin që ushtrohet ndaj tyre dhe ka porositur qytetarët e Bujanocit duhet lirshëm t`i lajmërojnë të gjitha format tjera të dhunës ndaj grave, fëmijëve dhe personave të prekshëm./Titulli.com/
Mund ti tregoni shoqërisë për këtë artikull!
