Lokale
Musliu-Ahmeti: Ndryshimi i kufijve, domino efekt në Ballkan
Situata e fundit në Luginën e Preshevës, negociatat midis Prishtinës dhe Beogradit si dhe zgjedhjet e fundit në Maqedoni kanë qenë temat e takimit të sotëm midis kryetarit të BDI-së, Ali Ahmeti dhe kryetarit të Lëvizjes së Progresit Demokratik nga Bujanoci, Jonuz Musliu.
Musliu uroi kryetarin e BDI-së, Ali Ahmeti për mbarëvajtjen e procesit zgjedhor në Maqedoni si dhe për fitoren e madhe të BDI në të dy rrethet zgjedhore.
“Bashkëbiseduesit gjithashtu diskutuan edhe rreth situatës aktuale në Luginën e Preshevës, me theks të veçantë rreth të drejtave të komunitetit shqiptar në Serbi si dhe nevojës që shqiptarët e Luginës së Preshevës dhe Serbët nga Kosova të paraqesin ura lidhëse midis dy vendeve. Ahmeti dhe Musliu shkëmbyen opinione rreth zhvillimeve të fundit në Kosovë dhe në rajon duke u përqëndruar në bisedimet midis Prishtinës dhe Beogradit, me ndërmjetësimin e komunitetit ndërkombëtar”, thekson komunikata e publikuar pas takimit.
Dy bashkëbiseduesit nënvizun se zgjidhja më e mirë për Ballkanin perendimor do të ishte që Serbia të njoh realitetin e ri të krijuar në këtë rajon me shpalljen e pavarësisë së Republikës së Kosovës, transmeton ina.
Sipas tyre, ndryshimi i kufijve në rajon nuk është zgjidhje sepse do të ketë domino efekt mbi vendet fqinje dhe mund të shkaktojë trazira të reja në këtë rajon./Titulli.com/
Mund ti tregoni shoqërisë për këtë artikull!
