Në zyrën e Këshillit Kombëtar Shqiptar në Bujanoc, kryetari dhe zëvendëskryetari i këtj institucioni me bashkëpunëtorë kan pritur ministren e Punëve të Jashtme të Kosovës, Donika Gërvalla.

 

Postimi i plotë në Facebook nga Ragmi Mustafi:

 

Sot mirëprita për herë të parë Zëvendëskryeministren dhe Ministren e Punëve të Jashtme dhe Diasporës të Republikës së Kosovës, z. Donika Gërvalla në vizitën e parë Luginës së Preshevës.

 

Pasivizmi i adresave, problemet në arsim, mosnjohja e diplomave, mos zhvillimi ekonomik I komunave të Luginës së Preshevës, pajisja me dokumente shqiptarët të Luginës së Preshevës që jetojnë dhe veprojnë në Kosovë, gjuha e urrejtjes nga ministrat shtetëror, nevoja e shtrimit të temës së Luginës në dialogun Kosovë-Serbi, largimi I të rinjve shqiptarë nga Lugina drejtë vendeve perëndimore shkaku i pamundësisë së zhvillimit të kapaciteteve të tyre e zhvillimit të dobët ekonomik, vazhdimi i programit të angazhimit praktikantëve nga Lugina e Preshevës në Ministrinë e Punëve të Jashtme dhe Diasporës, ishin disa nga temat që ngritëm gjatë takimit në selinë e Këshillit Kombëtar Shqiptar.

 

Gjithashtu, kërkova qasje programatike përmes strategjisë së përbashkët e sistematike përmes mekanizmave rajonal e ndërkombëtar.

 

Këshilli Kombëtar Shqiptar do vazhdojë të jetë këmbëngulës në avokimin dhe realizimin e aspiratave kolektive të shqiptarëve të Luginës së Preshevës!