Mbyllen zyra e PDSH-së në Preshevë, akuzojnë pushtetin lokal dhe Beogradin

Partia Demokratike Shqiptare në Preshevë përmes një njoftimi ka tregua se është mbyllur zyra e partisë duke vlervsuar se

Njoftimi i plotë i PDSH-së:

Njohtohen të gjithë anëtarët e simpatizuesit e Partisë Demokratike Shqiptare në komunën e Preshevës se sot, datë 26 nëntor 2018 ndërmjet orës 16 e 17 të territ të mbrëmjes dy ditë para festës së FLAMURIT, zyrtarët e ministrisë së brendshme të Serbisë, sektorit për situata të jashtëzakonshme kanë MBYLLUR selinë e partisë në qytetin Preshevë.

Një mbyllje të selisë së partisë së parë politike shqiptare që prej pluralizmit politik nga viti 1990 pa asnjë paralajmrim, e bëjnë vetëm ALBANOFOBËT serb në bashkëpunim me vazalët e tyre, pikërisht pushteti lokal i Preshevës shqiptaro serb!

Se serbët janë çoroditur këtë po e kuptojmë, por se çfarë fobie ka kapluar pushtetmbajsit e përzier shqiptar e serb edhe pse në shumicë shqiptarësh këtë nuk po e kuptojmë.

Provokime edhe të tjera mund t'u ndodhin shqiptarëve ditëve në vijim në saje të hakmarrjes së Serbisë me rastin e vendimeve të mëdha të qeverisë së Kosovës.

Sido që të sillen serbët ndaj nesh, NE nuk heqim dorë nga njohja e REPUBLIKËS së KOSOVËS e aq më parë nga e drejta jonë për bashkëngjitje me Kosovë në bazë të Referendumit të 1 e 2 marsit 1992. RM