Lokale
Mbahet takimi me mërgimtarët tërnocas (foto)
Në fushën e Klubit Futbollistik Tërnoci sot u zhvillua manifestimi tashmë tradicional i takimit me mërgimtarët i pasuar me një program kulturor e sportiv.
KF Tërnoci ishte pikëtakimi i diasporës që kontribuuan më së shumti për këtë fshat shqiptarë të Komunës së Bujanocit, gjatë periudhave më të vështira të saj.
Në shenjë falënderimi për kontributin e tyre të vazhdueshëm KF Tërnoci në bashkëpunim me Bashkësinë Lokale të këtij fshati organizuan manifestimin për mërgimtarët i cili zgjoi interesim tek bashkëkombësit të cilët këto ditë po i kalojnë në vendlindje.
Në fillim të programit të sotëm, kryetari i Bashkësisë Lokale Agim Haliti, dhe drejtori i KF Tërnocit Enis Salihu falënderuan diasporën për kontributin e saj ndaj fshatit dhe klubit, duke thënë se një organizim i tillë është shumë i vogël ndaj asaj që ata bënë për vendlindjen e tyre.
Musa Salihu, përshëndeti të pranishmit në emër të mërgimtarëve ndërsa nga organizatorët kërkoi që 31 korriku të vendoset si datë e përhershme e takimit të tërnocasve.
“ Edhe pse jetojmë në mërgim shpirti dhe zemra jonë gjithmonë është me Tërnocin”, u shpreh Salihu, duke kërkuar njëkohësisht që gjatë kësaj periudhe verore të organizohen edhe kurse të gjuhës amtare për mërgimtarët e rinj të cilët po qëndrojnë për pushime në Tërnoc.
“Kultura është gjellë e shpirtit, ndërsa nga institucionet dhe mësuesit kërkojmë që kurset e gjuhës shqipe të mbahen në mënyrë institucionale”, tha ndër të tjera Musa Salihu.
Vullnet Junuzi, mërgimtar që dikur mbante të veshur fanellën e KF Tërnocit, dhuroi disa topa për klubin e tij të dikurshëm, duke i dëshiruar suksese të mëtutjeshme klubit futbollistik nga i cili po dalin talent të shumtë.
Pas fjalimeve të hapjes, të pranishmit vizituan edhe muzeun e Komandant Lleshit, ndërsa paraprakisht SHKA “Zëri i Luginës” u paraqitë me disa valle në fushën e blertë.
Një ndeshje interesante futbolli u zhvillua mes dy ekipeve të rinjsh, njëra e rritur në Tërnoc e tjetra në diasporë, por që të dyja me fanelat e KF Tërnocit.
Manifestimit kushtuar mërgimtarëve vazhdoi me homazhe tek varrezat e dëshmorëve Ridvan Qazimi (Komandant Lleshi) e Besim Faiku, si dhe aktivistit të palodhshëm dhe ish trajnerit të KF Tërnocit Rexhep Adilit.
Pjesë e takimit me mërgimtarët ishte edhe këndimi i mevludit në xhaminë e mesme në Tërnoc, ndërsa për të pranishmit u shtrua edhe një iftar në xhamin e re./Titulli.com/
Mund ti tregoni shoqërisë për këtë artikull!
KF Tërnoci ishte pikëtakimi i diasporës që kontribuuan më së shumti për këtë fshat shqiptarë të Komunës së Bujanocit, gjatë periudhave më të vështira të saj.
Në shenjë falënderimi për kontributin e tyre të vazhdueshëm KF Tërnoci në bashkëpunim me Bashkësinë Lokale të këtij fshati organizuan manifestimin për mërgimtarët i cili zgjoi interesim tek bashkëkombësit të cilët këto ditë po i kalojnë në vendlindje.
Në fillim të programit të sotëm, kryetari i Bashkësisë Lokale Agim Haliti, dhe drejtori i KF Tërnocit Enis Salihu falënderuan diasporën për kontributin e saj ndaj fshatit dhe klubit, duke thënë se një organizim i tillë është shumë i vogël ndaj asaj që ata bënë për vendlindjen e tyre.
Musa Salihu, përshëndeti të pranishmit në emër të mërgimtarëve ndërsa nga organizatorët kërkoi që 31 korriku të vendoset si datë e përhershme e takimit të tërnocasve.
“ Edhe pse jetojmë në mërgim shpirti dhe zemra jonë gjithmonë është me Tërnocin”, u shpreh Salihu, duke kërkuar njëkohësisht që gjatë kësaj periudhe verore të organizohen edhe kurse të gjuhës amtare për mërgimtarët e rinj të cilët po qëndrojnë për pushime në Tërnoc.
“Kultura është gjellë e shpirtit, ndërsa nga institucionet dhe mësuesit kërkojmë që kurset e gjuhës shqipe të mbahen në mënyrë institucionale”, tha ndër të tjera Musa Salihu.
Vullnet Junuzi, mërgimtar që dikur mbante të veshur fanellën e KF Tërnocit, dhuroi disa topa për klubin e tij të dikurshëm, duke i dëshiruar suksese të mëtutjeshme klubit futbollistik nga i cili po dalin talent të shumtë.
Pas fjalimeve të hapjes, të pranishmit vizituan edhe muzeun e Komandant Lleshit, ndërsa paraprakisht SHKA “Zëri i Luginës” u paraqitë me disa valle në fushën e blertë.
Një ndeshje interesante futbolli u zhvillua mes dy ekipeve të rinjsh, njëra e rritur në Tërnoc e tjetra në diasporë, por që të dyja me fanelat e KF Tërnocit.
Manifestimit kushtuar mërgimtarëve vazhdoi me homazhe tek varrezat e dëshmorëve Ridvan Qazimi (Komandant Lleshi) e Besim Faiku, si dhe aktivistit të palodhshëm dhe ish trajnerit të KF Tërnocit Rexhep Adilit.
Pjesë e takimit me mërgimtarët ishte edhe këndimi i mevludit në xhaminë e mesme në Tërnoc, ndërsa për të pranishmit u shtrua edhe një iftar në xhamin e re./Titulli.com/
