Lokale
Ku mbetën patriotët e Luginës?
Lapidari u hoq, ndërsa ai që premtoi se do ta mbrojë lapidarin ishte në gjumë të thellë
Vendosja e lapidarit dhe deklaratat e politikanëve të Luginës se cili po del më patriotë se tjetri në mbrojtje të lapidarit dolën të ishin fushat për zgjedhje të reja, sa për të fituar votën, e në këtë rast simpatinë e shqiptarëve të Luginës.
Jonuz Musliu, ish shefi politik i UÇPMB-së dhe tani kryetar i Lëvizjes së Progresit Demokratik në Bujanoc, pat deklaruar se do të dalë në mbrojtje të lapidarit, madje me trupin e tij dhe të qytetarëve, mirëpo nuk e mbajti fjalën.
Ai në ditën e heqjes së lapidarit nga ana e xhandarmërisë ishte ndër të fundit që erdhi në takimin me liderët e Luginës, ndërsa në konferencën që u mbajt për shtyp nuk priti të shtrohen pyetjet e gazetarëve por ia mbathi ndër të parët nga konferenca.
Para se të hiqej lapidari, kryetari i LPD-së pat “uzurpuar” të gjitha mediat në Luginë e Kosovë me deklaratat e tij në mbrojtje të lapidarit të UÇPMB-së.
Nuk ishte vetëm Musliu që shitën patriotizmin e tyre, pati shumë këshilltarë shqiptarë që mbajtën fjalime patriotike në seancat e kuvendit të Bujanocit dhe Preshevës, por që tani nuk dëgjohen të gjallë.
Populli ju pyet: Ku jeni ju që na prutë deri këtu dhe s’po lajmëroheni më ?
Mund ti tregoni shoqërisë për këtë artikull!
