Komuna e Bujanocit angazhon 40 asistentë personal në shkollimin fillorë
Janë nënshkruar kontratat me 40 asistentë personal që do të përkujdesen për nxënësit me nevoja të veçanta që ndjekin mësimet në shkollat fillore, të mesme dhe çerdhe të fëmijëve për vitin akademik 2021/2022, thuhet në njoftimin e publikuar nga komuna e Bujanocit.
Komuna e Bujanocit ka angazhuar organizatën "Osmeh" për implementimin e këtij programi, e cila do të përcjellë nga afër punën e asistentëve personal, por edhe zhvillimin e aftësive të nxënësve.
"Në komunën e Bujanocit gjithsej janë të regjistruar 60 fëmijë me nevoja të veçanta, prej të cilëve 42 ndjekin mësimet në shkollat fillore, 9 në shkollat e mesme dhe 9 në entin parashkollor "Gëzimi Ynë"", thuhet mes tjerash në njoftimin e publikuar në Facebook.
Nga buxheti komunal janë ndarë mbi 8 milionë dinarë për realizimin e këtij programi, kurse afër 6 milionë dinarë nga Ministria për Punë, Punësim dhe Çështje Sociale.
