Lokale
Kanali ujor Danub-Preshevë-Selanik, portin më të madh jugor do ta ketë në Vranjë
Ministri serb i Minierave dhe Planifikimit hapësinor Milan Baceviq gjatë qëndrimit në Vranjë ka thënë se të hënën do të nënshkruhet marrëveshja për vazhdimin e ndërtimit të kanalit ujor Morav-Vardar-Danub me Fondin Kinez për Zhvillim.
Baceviq këto deklarata i bëri të shtunën në Vranjë në zyrat e Partisë Përparimtare Serbe, duke thënë se në këtë projekt Vranja do të ketë portin më të madh në jug të Serbisë.
“Bëhet fjalë për një projekt të madh i cili paraqet një shans të ri për zhvillim të Serbisë, mirëpo edhe të Vranjës”, është shprehur ministri, duke shtuar se Serbia nuk e ka mundësin që vet ta financojë këtë projekt “megaloman”, mirëpo ka shtete të cilat dëshirojnë që ta financojnë këtë projekt.
Ministri serb i Minierave dhe Planifikimit hapsinor gjatë këtij muaji qëndroi për vizitë edhe në SHBA, me çrast pas kthimit ai ka theksuar interesimin e amerikanëve për përfshirjen në projektin në fjalë.
“Interesimi i tyre në projektin ujor është i baraspeshuar me interesimin Kinez .Gjithashtu ata kanë ofruar përvojat e tyre në realizimin e studimit të fizibilitetit”, thotë Baceviq, transmeton Titulli.
Në pyetjen se çfar do të bëhet tani kur tashmë është nënshkruar marrëveshja me Kinezët, Baceviq deklaron se Qeveria e tij në këtë protokoll ka potencuar se “marrëveshja me kinezët” nuk donë të thotë që të suspendohen bisedimet me vende tjera të interesuara.
"Po, Amerikanët e dinë, por në Protokollin nënshkruar me Kinezët qartasi shkruan se ne nuk suspendojmë mundësin për të biseduar edhe me vende tjera të interesuara . Projektin do ta realizoi ai që ofron ofertën më të mirë. Ata ( Amerikanët) ndoshta do të hyjnë së bashku me Kinezët në projekt, jam ndërmjetës në këto bisedime” – përfundon Baceviq./Titulli.com/
Mund ti tregoni shoqërisë për këtë artikull!
