Lokale
Jakupi: Musliu nuk pati ka t’ia mbajë
Ish Sekretari i Përgjithshëm i Lëvizjes së Progresit Demokratik, Shefket Jakupi, reagon në marrëveshjen e vonuar në mes të Partisë Demokratike (PD) dhe Lëvizjes së Progresit Demokratik (LPD)
Hyrja në koalicion e LPD-së me Partinë Demokratike, sipas ish sekretarit të përgjithshëm të LPD-së Shefket Jakupit është e vonuar, dhe kjo ndodhi vetëm kur ambiciet e Jonuz Musliut për kryetar të Komunës së Bujanocit u shuan.
“E shohë si të vonuar dhe nuk presë shumë përparime pasi kjo marrëveshje është bërë atëherë kur LPD dhe drejtuesi i tij nuk patën kah t’ia mbajnë, sepse ambiciet për Kryetar të Komunës definitivisht u shuan dhe kështu në fund vendosën për koalicion të cilin e kisha propozuar unë që pas zgjedhjeve të 6 majit 2012”, i tha sot Titullit ish sekretari i këtij subjekti politik shqiptar me seli në Bujanoc.
Sipas Jakupit, koalicioni është bërë për interesa personale të individëve, e jo si një përgjegjësi ndaj elektoratit të cilët na besuan dhe na dhanë votat.
“Kryesia e LPD-së për këtë gjë si duket nuk u merakos dhe mbeti në opozitë për gati një viti, deri sa u shterën burimet e financimit, e tani vendosi që prapë t’i kthehet koalicionit, siç tha kryetari i LPD-së Jonuz Musliu, gjaja se “e paskan pa të udhës që të jen pjesë e këtij koalicioni për të vazhduar dhe forcuar koalicionin në Komunën e Bujanocit”, duke harruar se deri dje kanë thënë gjithçka të keqe në media dhe Kuvendin Komunal për subjektin e PD-së dhe koalicionit të cilit sot iu bashkëngjitën për interesa të disa individëve e jo për dinjitet, sepse po të kishte qenë për dinjitet do të ishin pjesë e koalicionit me kohë”, u shpreh Jakupi.
Si anë pozitive ai e sheh, edhe pse me vonesë, koalicionin e arritur, për të cilin Shefket Jakupi, ish sektrerat i LPD-së, kishte bërë ftesë për koalicion mes shqiptarë që nga dita e parë pas zgjedhjeve të vitit të kaluar.
Pasi që nuk u morr parasysh mendimi për hyrje në koalicion, Jakupi la LPD-në dhe është larguar nga jeta politike në këtë komunë.
Sa për rikujtim, kryetari i LPD-së Jonuz Musliu disa herë ishte shprehur kundër partisë së Nagip Arifit, e aq më shumë, për koalicionin e tij kishte thënë se i ka ditët e numëruara.
Gjatë një interviste të mëhershme Musliu kishte thënë se gabimet e Partisë Demokratike janë të rënda sa as lumi i Moravës nuk mund t’i bart./Titulli.com/
Mund ti tregoni shoqërisë për këtë artikull!
