Është koha për punë dhe vetëm punë
Kryetari i Këshillit të Partisë Liberale Demokratike në Preshevë, Kujtim Sadriu njëherit edhe kandidat për deputet në parlamentin e Serbisë ka zhvilluar një takim me partnerët e koalicionit në Novi Pazar.
Gjatë këtij takimi Sadriu diskutoi për problemet e pakicës shqiptare dhe asaj boshnjak e dy dhe tejkalimin e tyre duke qenë pjesë qeverisë në Beograd.
Sadriu deklaroi se bashkë me koalicionin në Novi Pazar janë një forcë drejt realizimit të drejtave shqiptare edhe në Luginë.
“Tani më kanë dhënë mbështetje njerëz të guximshëm andaj jam optimist se në qeverinë e ardhshme që do të dalë nga zgjedhjet e 16 marsit do të japin një kontribut të madh për qytetarët e shqiptarë të Luginës”, theksoi Kujtim Sadriu.
Sadriu thotë se është koha për punë, punë dhe vetëm punë e jo për analiza dhe gjetje të fajtorit dhe shprehet i bindur se partia e tij do të jetë pjesë e qeverisë së ardhshme dhe mundësi e veprimit do të jetë më e madhe.
Kujtim Sadriu ka qenë kandiadat për deputet nga lista e Partisë Liberale Demokratike të Ҫedomir Jovanoviç edhe në zgjedhjet e vitit 2012 dhe tani në zgjedhjet e 16 marsit është hera e dytë për postin e deputetit në parlamentin e Serbisë./Titulli.com/
