Edhe në Preshevë nxënësit nisin mësimin me protestë (Video)
Ora e parë e mësimit në Preshevë. Nxënësit shqiptarë kanë bojkotuar mësimin në një orë për të shprehur pakënaqësinë për mungesën e teksteve mësimore në gjuhën shqipe.Dogana e Serbisë ka bllokua mijëra libra të ardhura donacion nga Kosova, të cilat nuk i pranon Serbia. Për shkak të tensioneve të vazhdueshme politike megjithatë në shkolla mësohet pa libra.
“Meqë ne në trevat tona na mungojnë tekstet në gjuhën shqipe, ato reflektojnë dhe pengojnë shumë në zhvillimin e mësimit në gjuhën shqipe në trevën tonë”, thotë mësuesi Nehat Aliu.
“Ne na mungojnë disa tekste dhe unë dëshiroj t’i kem. Na mungojnë “Natyra e shoqërisë”, muzikës, vizatimit dhe edukatës fizike”, thotë nxënësja Xhevahire Zylfiu, raporton Top Channel.
“Është marrë vendim që në orën e parë të mos mbahet mësim për shkak të bllokimit të teksteve shkollore nga republika e Serbisë që janë dërguar në doganën e Preshevës dhe nuk i lejohet nxënësve shqiptarë të punojnë me ato tekste që është donacion i republikës së Kosovës”, bën të ditur Gafurr Hyseni, drejtor Sh. F. “Abdulla Krashnica”.
Serbia nuk lejon mësimin në shkolla me tekstet mësimore të Kosovës, ndërkaq ato nga Shqipëria verifikohen dhe zbatohen në bazë të përmbajtjes së tyre. Ky problem është ngritur disa herë edhe në nivele qeverishë por pa efekt. /Titulli.com/
