Lokale
Doni sheshin e rinovuar e rrugët me gropa, apo anasjelltas? (foto)
Në komunë të Bujanocit është nisur iniciativa, edhe pse jo haptas, për rinovimin e sheshit Karagjorgje Petroviq në këtë qytet.
Kjo iniciativë do të përmirësojë pamjen e sheshit të Bujanocit, mirëpo për kosto nga ana tjetër ka pezullimin e investimeve në infrastrukturën rrugore të kësaj komune.
[caption id="attachment_118364" align="aligncenter" width="640"]
Sheshi Karagjorgje Petroviq, Bujanoc[/caption]
Edhe pse ky informacion del për herë të parë në publikë, portali informativ Titulli nga burimet e veta ka arrit të mësojë se ky është plani i komunës së Bujanocit me ndërmarrjen publike Drejtoratin për Ndërtim.
Të rinovohet sheshi, ndërsa infrastruktura rrugore që është dëmtuar për shkak të punimeve, e në disa raste nuk është nisur fare, të mbetet edhe për një kohë në atë gjendje të dëmtuar, siç jemi mësuar ti shohim tash e disa muaj.
[caption id="attachment_118366" align="aligncenter" width="640"]
Bujanoc, rruget e hapura per punime dytesore dhe te lena pa asfaltuar[/caption]
Në mesin e rrugëve që është dashur të jetë qysh vitin e kaluar e asfaltuar, është edhe ajo me rreth tre kilometra, në drejtim të fshatit Mal Tërnoc.
Rruga në fjalë ishte e gatshme për asfaltim, mirëpo tani pas të reshurave pjesë të saj sërish duhen të rrafshohen e shtrohen me zhavorr para se të hidhet asfalti mbi te.
Mos përfundimi me kohë i punëve në terren, përveç rritjes së kostos së investimeve po vështirëson edhe jetën e banorëve.
[caption id="attachment_118367" align="aligncenter" width="640"]
Bujanoc, rruget e hapura per punime dytesore dhe te lena pa asfaltuar[/caption]
Raste të tilla ku është dëmtuar asfalti për punimet tjera, si instalim të gypave për ujëra të zeza si dhe ujësjellësit, ka në rrugë të ndryshme në vet qytetin e Bujanocit.
Pas këtyre punimeve, siç tregojnë edhe vet fotografitë, këto rrugë nuk janë asfaltuar sërish.
Tani kur kemi edhe idenë që të rinovohet sheshi Karagjorgje Petroviq i cili do të kushtojë me miliona dinarë, të zbehta do të jenë investimet në asfaltimin e rrugëve në këtë komunë.
[caption id="attachment_118370" align="aligncenter" width="640"]
Bujanoc, rruget e hapura per punime dytesore dhe te lena pa asfaltuar[/caption]
Vlen theksuar se edhe pushteti i kaluar kishte bërë komplet projekt dokumentacionin nga shtëpia projektuese “Butrinti”.
Vlera e paraparë në atë kohë për rinovimin e sheshit ishte mbi 90 milionë dinarë. Kjo vlerë nëse krahasohet me koston e rrugës së Breznicës do të kapte rreth 80 për qind të vlerës së saj.
[caption id="attachment_118368" align="aligncenter" width="640"]
Bujanoc, rruga teresisht e paasfaltuar[/caption]
Lidhur me këtë plan të administratës dhe Drejtoratit për Ndërtim që investimet të orientohen në shesh e të pezullohen për investimet në infrastrukturën rrugore në Bujanoc, portali informativ Titulli ka hapur sondazhin ku qytetarët mund të japin mendimin e tyre duke votuar në anën e djathtë të ballinës së portalit Titulli.com.
Mund ti tregoni shoqërisë për këtë artikull!
