Lokale
Bujanoci nën ujë, ndërpritet transporti hekurudhor (foto & video)
Vërshimet që në orët e vonshme të mbrëmjes kanë përfshirë Komunën e Bujanocit kanë shkaktuar dëme të mëdha, ndërsa kanë ndërprerë edhe linjën hekurudhore Shkup – Beograd
Reshjet e pandërprera të shiut për dhjetëra orë me radhë kanë shkaktuar vërshime në vendbanime të ndryshme të Komunës së Bujanocit.
Më i rrezikuari është fshati Levosovë pjesë të së cilit janë vërshuar pas shembjes së pendës nga dheu që mbante në shtrat lumin Moravica që vjen nga drejtimi i Preshevës.
Uji ka mbuluar edhe hekurudhën që lidhë Shkupin me Beogradin me ç’rast si pasojë e vërshimit përkohësisht është ndërprerë edhe qarkullimi në këtë linjë.
[caption id="attachment_59933" align="aligncenter" width="640"]
Kalimi hekurudhes në fshatin Levosovë, Bujanoc[/caption]
Agim Haliti Drejtor i Direkcionit për Ndërtim dhe anëtar i Shtabit për Emergjenca në këtë komunë, në një prononcim për Titullin tha se ndërmarrja e tij ka angazhuar ekskavator dhe makineri tjetër për të shpëtuar pjesët e vërshuara.
“Gjendemi në fshatin Levosovë ku është e angazhuar makineria e disa ndërmarrjeve për të shpëtuar sa mundemi nga vërshimi që ka kapluar këtë fshat,” tha me këtë rast Haliti i cili shtoi se edhe në vendbanime të tjera ka pasur probleme të ngjashme.
“Rreziku i madh nga vërshimi ka qenë edhe në fshatin Tërnoc ku gjatë tërë natës kanë qenë në funksion makinat e ndërmarrjes “Sela Com” dhe vëllezërve të tij, si dhe me qytetarët kemi arrit të shpëtojmë nga vërshimi lagjen “Haxhi Musa” një pjesë e së cilës është afër lumit”, ka thënë Haliti.
Vërshime ka pasur edhe në fshatrat e malësisë së Bujanocit si në Breznicë, ndërsa në qytet dëme kanë pësuar shtëpitë në podrumet e të cilëve ka vërshuar uji nëntokësor.
[caption id="attachment_59934" align="aligncenter" width="640"]
Fabrika e Simpos në Bujanoc rrezikohet nga vërshimet[/caption]
E rrezikuar nga vërshimet sot ishte edhe fabrika “Simpo” e cila gjendet në afërsi të lumit Morava dhe vetë fshatit Levosovë që pjesa më e madhe e saj tashmë është nën ujë.
Deri më tani përveç dëmeve materiale nuk është paraqitur asnjë rast i të lënduarve. Në vendet më të rrezikuara nga vërshimet janë duke qëndruar edhe zjarrfikësit dhe shtabi i emergjencave./Titulli.com/
http://youtu.be/WpDCO5XJKHg
Mund ti tregoni shoqërisë për këtë artikull!
