Bujanoci kërkon përfaqësim në Odën Ekonomike të përbashkët Shqipëri-Serbi
Kryetari i komunës së Bujanocit, Shaip Kamberi, priti në takim një delegacion të Odës Ekonomike të Sërbisë të kryesuar nga zëvendës menaxheri gjeneral Mihailo Veshoviq dhe drejtori për mardhënie ndërkombëtare pranë Odës Ekonomike Nenad Gjurgjeviq."Temë e rëndësishme e këtij takimi ishte edhe përfshirja e përfaqësuesve të biznesit nga Bujanoci në forumet të cilat do të zgjidhen në kuadër të Odës Ekonomike të përbashkët Shqipëri-Serbi", thuhet në njoftimin e kabinetit të komunës.
Në takim mori pjesë edhe përfaqësuesi i Odës Ekonomike i angazhuar për Bujanoc, Lulzim Rashiti./Titulli.com/
