Zbardhet plani amerikan për ndryshimin e kufijve, Kosova merr Preshevën, Mitrovica “zonë speciale” Ja çfarë do ndodhë me Trepçën e Bujanocin
Lugina

Zbardhet plani amerikan për ndryshimin e kufijve, Kosova merr Preshevën, Mitrovica “zonë speciale” Ja çfarë do ndodhë me Trepçën e Bujanocin

05.Feb.2019 08:05
0

Zbardhet plani amerikan për ndryshimin e kufijve mes Serbisë dhe Kosovës. Ndonëse klanet ruse në Tiranë kanë dalë kundër dhe po bëjnë ç’është e mundur që të mos ndodhë një gjë e tillë, amerikanët e kanë marrë vendimin.

Gazeta ka siguruar detajet e një dokumenti paraprak, ku hidhen piketat mbi atë që synojnë amerikanët të ndodhë. Së pari, synohet që më 12 qershor të këtij viti, presidentët Hashim Thaçi dhe Aleksander Vuçiç të firmosin marrëveshjen dhe të mbyllin një herë e mirë konfliktet mes tyre. Por si do të bëhet ndarja e territoreve? Hashim Thaçi ka folur për korrigjim kufijsh dhe ka mohuar copëtimin e Kosovës.

Por amerikanët kanë menduar një plan të mesëm, i cili si duket i kënaq të dyja palët. Zonat që kanë hapur më shumë debat janë ajo e Preshevës dhe e Mitrovicës. Sipas dokumentit të siguruar nga gazeta “SOT”, plani i SHBA është që Presheva deri në Klenike t’i bashkohet Kosovës. Pra bëhet fjalë për të gjithë pjesën shqiptare aty. Kufiri i ri është planifikuar të vendoset në zonën pranë Bilacit. Sa i takon Mitrovicës dhe Bujanocit, këto dy zona do të shpallen “Zona Speciale”. Amerikanët përdorin termin “Special District”.

Por ç’është ky sistem i ri? Duke qenë se për këto dy zona ka përplasje, atëherë plani është që ato të shpallen në një farë mënyre të pavarura. Në SHBA ka shumë zona me këtë status dhe banorët e tyre bëjnë vetëmenaxhimin. Pra Mitrovica dhe Bujanoci do vetëmenaxhohen, si politikisht, ashtu dhe nga ana financiare, pa u ndikuar nga Kosova apo nga Serbia. Ato do krijojnë organet e tyre qeverisëse dhe do qëndrojnë ashtu.

Një tjetër zonë e debatueshme është Medvegja. Sipas planit, synohet që deri në 8 fshatra të saj t’i marrë Kosova, pjesa tjetër i mbetet Serbisë. Amerikanët kanë menduar një zgjidhje dhe për Trepçën dhe liqenin e Ujmanit. Të dyja do të privatizohen. Liqeni Ujmanit privatizohet për 99 vite nga kompani angleze dhe do jetë me Status Special. Po ashtu dhe Trepça privatizohet për 99 vite (nga kompani amerikane, franceze, ruse dhe kineze) dhe do jetë po me Status Special.

Ndarjet e tjera

Sipas draftit të siguruar nga gazeta “SOT”, Korridori i 10 do të marrë statusin: “Rruga e Mbrojtur Ndërkombëtare”. Në pakt janë përfshirë dhe kishat. Aty thuhet se kishat serbe në Kosovë do të shpallen të pavarura. Sa i takon Zveçanit, Zupin Patokut dhe Leposaviqit, këto territore i bashkohen Serbisë. Të dyja shtetet i falin borxhet e luftës që i kanë njëra tjetrës, ndërsa Serbia do të njohë Kosovën me emrin Kosovo. Baza Cepotin afër Bujanocit bëhet pjesë e Kosovës. Po ashtu synohet që në 12 qershor në Uashington të firmoset pakti final mes dy vendeve. Pra kjo është mënyra se si amerikanët synojnë që të vendosin paqen mes Serbisë dhe Kosovës.

Goditja për Metën e Berishën

Ndonëse Kosova është shtet i pavarur, Shqipëria nuk ka qëndruar dot larg debatit për kufijtë. Të parët që dolën hapur kundër një marrëveshjeje mes Kosovës dhe Serbisë ishin ish-kryeministri Sali Berisha dhe presidenti Iilri Meta. Ndërkohë, dy ditë më parë këshilltari i presidentit Donald Trump, telefonoi kryeministrin Edi Rama për këtë çështje. Nëse vërtet brenda qershorit mbyllet gjithçka, atëherë kjo do të jetë një goditje shumë e fortë për simpatizantët e Rusisë në Tiranë.

 

copy(/home/titulli/public_html/images/image/uto-harta-kosova-kufi1535832934_1536210599-42343-620x330.jpg): failed to open stream: No such file or directory
Osmani: Projektligji për dialogun rrezikon shtetësinë dhe territorin e Kosovës
Rruga se si do të pushojë së ekzistuari dielli
Registration Login
Sign in with social account
or
Remember Me Lost your Password?
Registration Login
Sign in with social account
or
With registration you can comment on post.
Registration Login
Registration