Lokale
Xhandarmëria hynë në Norçë, shqetëson familjen Hasani
Të dielën rreth orës 17:45 pesë makina të blinduara të xhandarmërisë serbe janë future në rrugët e familjes Hasani, në fshatin Norçë të komunës së Preshevës.
[caption id="attachment_40404" align="alignleft" width="296"]
Foto ilustrim[/caption]
Kjo ngjarje ka shqetësuar familjen, pasi siç ka njoftuar Xhelal Hasani, anëtarë i familjes, xhandarmëria e armatosur i ka drejtuar armën fëmijëve të cilët po luanin në këtë rrugë familjare.
“Xhandarmëria me pesë xhipa me xhama të errët ku në njërin prej tyre kishte mitraloz të lëvizshëm u fut me shpejtësi në rrugën e familjes Abdullah Hasani në fshatin Norcë”, shkruan Xhelali i shqetësuar.
Ai në letrën e tij drejtuar mediave, të cilën e transmeton Titulli, matej sqaron se kjo njësi speciale e kishte gabuar rrugën, mirëpo sjelljet e tyre nuk ishin aspak njerëzore.
“Qarkullimi me shpejtësi të madhe në vendbanim si dhe ajo më kulminant,e drejtimi i tytave të pushkës nga xhandarmëria e maskuar fëmijëve 6 vjeçar, nuk përkojnë të jenë njerëzore”, thekson Xhelali i cili shpjegon se fëmijët nga frika janë futur në shtëpi duke bërtitur “babi ushtria ka ardhur dhe deshi të na vriste”.
Ai kishte tentuar ti ndalojë xhandarmërinë të cilët makinat i kishin kthyer në oborrin e shtëpisë së vëllait të tij, mirëpo pesë makinat e xhandarmërisë ishin larguar me shpejtësi.
Qytetari shqiptar sqaron se raste të tilla ka pasur edhe më parë kur rrugën e kanë gabuar edhe policia kufitare si dhe Ushtria e shtetit, të cilët janë ndalur dhe kanë kërkuar falje.
“Për dallim prej tyre xhandarmëria provokoi duke mos ndaluar dhe drejtuar tytat e automatikëve ndaj fëmijëve, për të demonstruar forcë”, thotë Xhelali, i cili edhe pse kishte arritur të zbresë nga kati i parë i shtëpisë nuk kishte arritur që të bënte fotografi nga vendi i ngjarjes në mungesë të celularit.
“Ne si prind dhe familjarë me këtë rast i bëjmë apel organeve kompetente të shtetit që njësitë e tyre me uniforma të pajisen me udhërrëfyesin e qarkullimit, sidomos në pjesët e banuara. Gjithashtu apelojmë tek institucionet e vetëqeverisjes lokale që të bëjnë evidentimin e këtyre rasteve dhe të zhvillojnë bisedime me përfaqësuesit e organeve të rendit që raste të tilla të mos përsëriten”.
Lidhur me këtë rast është njoftuar edhe kryetari i komunës së Preshevës Ragmi Mustafa, ndërsa familja do të kërkojë nga organet kompetente të policisë dhe institucionet tjera të shtetit një përgjigje zyrtare./Titulli.com/
Mund ti tregoni shoqërisë për këtë artikull!
