Vaksina e Pfizer arrin në Serbi, kur do të imunizohen qytetarët (video)
Lokale

Vaksina e Pfizer arrin në Serbi, kur do të imunizohen qytetarët (video)

23.Dec.2020 08:21
0

Vaksina e zhvilluar nga Pfizer dhe Biontech ka mbërritur në Serbi.

Autoritetet shëndetësore e konsideruan një ditë të shkëlqyer për vendin, teksa magazinuan rreth 5 mijë dozat e para. Serbia bëhet kështu vendi i parë i Ballkanit që siguron një vaksinë ndaj koronavirusit.

Duke folur nga Instituti i Virologjisë dhe Vaksinave, i njohur si “Torlak”, sekretari shtetëror në ministrinë e Shëndetësisë, Mirsad Djerlek, tha se fushata fillestare e imunizimit do të nisë nga java e ardhshme.

Ai shtoi se nga janari, Serbia pret dhe 24 mijë doza të tjera. Javën e kaluar rregullatori mjekësor serb aprovoi vaksinën e zhvilluar nga Pfizer dhe Biontech.

Zyrtarët e Beogradit thanë se janë ne negociata edhe me shkencëtarët e Rusisë për të importuar vaksinën e tyre të quajtur “Sputnik V” si dhe me kompani kineze, por nuk dhanë shumë detaje.

Qeveria serbe nuk bëri me dije çmimin që kishte paguar për blerjen e vaksinës nga Pfizer. Serbia numëron që prej fillimit të pandemisë mbi 300 mijë të infektuar dhe mbi 2700 viktima.

Këshilli Kombëtar Shqiptar nismë për regjistrimin e pasivizimeve
Si u përdor rasti “Panda” për të fajësuar UÇK’në, deklarata bombë e Vuçiqit
Registration Login
Sign in with social account
or
Remember Me Lost your Password?
Registration Login
Sign in with social account
or
With registration you can comment on post.
Registration Login
Registration