Të shtunën në Prishtinë përurohet libri për mësuesin Bafti Krasniqi nga Medvegja

“E shtuna do t’i tubojë artëdashësit dhe poetët të cilët e dhanë kontributin e tyre me poezi për mësuesin Bafti Krasniqi. Është një punë dymujore në tubimin e poezive dhe seleksionimin e tyre në këtë libër të veçantë, ku përmes vargjeve poetike përkushtohet dhe përkujtohet mësuesi Bafti , i cili i pari e futi abetaren në komunën e Medvegjës” theksoi poeti Rrahman Hyseni për gazetarin e Titulli.com.

Vlen të theksohet se të shtunën në Bibliotekën Kombëtare do të ketë poetë nga vise të shumta shqiptare, të cilët i ka tubuar puna e vyeshme e poetit Rrahman Hyseni.

Përurimi do të mbahet në sallën e Bibliotekës “Pjetër Bogdani” në Prishtinë dhe do të fillon në ora 12.00.

Aty poetët do t’i lexojnë poezitë e tyre që janë brenda kopertinave të librit, pra krahas përurimit të librit , do të ketë edhe orë letrare përkushtuese për mësuesin Bafti Krasniqi.

Pak fjalë për veprimtarin dhe intelektualin Bafti Krasniqi. 

Bafti Krasniqi ishte pishtar i arsimit shqip në Medvegjë, veprimtar i çmuar.

Lindi në lagjen Vllasë të komunës  të fsahtit Gërbac të komunës së Medvegjës në vitin 1936.

Ai edukoi breza të tërë në frymën atdhetare e patriotike në kohët më të vështira kur gjithçka ishte e cenzuruar dhe në përcjellje të shtetit të atëhershëm.

Bafti Krasniqi ka filluar punën i pari mësues në gjuhën shqipe në Medvegjë, ka sjell abetaren e parë në Medvegjë, ku për këtë u largua nga puna një vit. Ka qenë me Akademik Idriz Ajetin dhe ka qenë njeriu më besnik në komunë e Medvegjës dhe në fshatrat përreth. Vdiq në vitin 1983.