Lokale
Përfaqësues të Suedisë vizitojnë Luginën
Pas vizitës që dje i bëri Luginës ambasadori zviceran, sot në Bujanoc qëndruan edhe përfaqësuesit të Ambasadës së Suedisë në Beograd
Një delegacion i përbërë nga këshilltari Liselot Martinenko Agerlid, zv shef i misionit si dhe këshilltari për Zhvillim dhe Bashkëpunim pranë ambasadës suedeze Torgny Svenungsson, vizituan Komunën e Bujanocit, me ç’rast u njoftuan nga afër me situatën në këtë rajon.
Siç u shpreh pas takimit kryetari i Komunës së Bujanocit, Nagip Arifi, përfaqësuesit suedez u interesuan për situatën politike dhe të sigurisë e krijuar sidomos pas heqjes së lapidarit të UÇPMB-së nga Presheva.
“U bisedua për situatën politike dhe të sigurisë por edhe më gjerë, sidomos pas heqjes së lapidarit të xhandarmërisë”, u shpreh Arifi duke nënvizuar se në delegacion ishte i pranishëm edhe atasheu ushtarak i akredituar në Beograd.
“Për situatën e njoftuam edhe atasheun suedez të cilit ia shprehëm brengat tona, të cilat ia më pas do t’ia përcjell ambasadës në Beograd por edhe qeverisë”, tha Arifi.
I pari i komunës theksoi se është biseduar edhe për çështje ekonomike, për projektet që Qeveria e Suedisë i financon në këtë rajon si dhe vazhdimin e angazhimit të mëtutjeshëm të shtetit skandinavë në Komunën e Bujanocit, Preshevës e Medvegjës.
Pas heqjes së lapidarit në Preshevë, janë sheshtuar vizitat e përfaqësuesve ndërkombëtar në Luginë. Gjatë ditës së djeshme në Bujanoc qëndroi Ambasadori i Zvicrës Jean-Daniel Ruch./Titulli.com/
copy(/home/titulli/public_html/images/image/t/uploads/2013/02/ARIFI-Ambasada-Suedise.jpg): failed to open stream: No such file or directory
Mund ti tregoni shoqërisë për këtë artikull!
