Thaçi: Korrigjimi dhe bashkimi i Luginës me Kosovën do të bëhet në mënyrë paqësore
Lugina

Thaçi: Korrigjimi dhe bashkimi i Luginës me Kosovën do të bëhet në mënyrë paqësore

15.Mar.2019 07:47
0

Presidenti i Kosovës Hashim Thaçi ka thënë se të tjerët po e ngatërrojnë idenë e tij të shfaqur për bashkimin e Luginës së Preshevës, Medvegjës dhe Bujanocit me Kosovën.

Thaçi në Zonën e Debatit potencoi se ka dallim ideja e “korrigjimit të kufijve” me atë të “shkëmbimit të territorit”, të cilën e quajti pazar me shtetin, njofton Klan Kosova.

”Ideja ime është shumë e qartë. Serbia me vite  e me vite flet për ndarjen e Kosovës. Dhe ne është dashur t’i përgjigjemi Serbisë”.

”Dhe nëse diçka e tillë i lejohet Beogradit pa u refuzuar, atëherë do ta marrë përgjigjen për korrigjimin e kufijve”.

”Korrigjimi nënkupton Kosovën e pavarur dhe sovrane – me bashkëngjitjen e Luginës së Preshevës, Medvegjës dhe Bujanocit”.

”Askush të mos e përziejë idenë time të korrigjimit të kufijve me atë të shkëmbimit të territoreve”.

“Për mua, siç e kam theksuar çdo herë, shkëmbimi është Pazar. Jam kundër asaj ideje”.

”Jam vetëm pro korrigjimit që nënkupton bashkimin e Luginës së Preshevës, Medvegjës dhe Bujanocit me territorin e Kosovës”.

”Për shkëmbimin kam folur edhe më herët, e kam thënë që e refuzojë atë ide, e ka thënë edhe Ibrahim Rugova, Nexhat Daci, por ky është pozicioni im”.

”Mua më intereson cila është objektiva ime dhe e qytetarëve të Luginës së Preshevës, Medvegjës dhe Bujanocit. Idenë time nuk e shfaq në bazë të disponimit të Beogradit”.

”E respektoj legjitimitetin dhe kërkesën e qytetarëve të Preshevës, Medvegjës dhe Bujanocit për bashkim me Kosovën”.

”Unë nuk shoh asgjë të keqe bashkimin e Luginës së Preshevës me Kosovën, i besoj këtij parimi, vizioni dhe kësaj ideje”.

”Korrigjimi i kufijve do të bëhet në mënyrë paqësore. Për mua në territor ndryshimi bëhet vetëm duke iu shtuar Kosovës, Lugina e Preshevës, Medvegja dhe Bujanoci”.

Faqja e famshme në Facebook publikon fotografi të Prizrenit, revoltohen serbët
Gazetaria,profesioni më i mirë në botë, pasioni që s’njeh kufij
Registration Login
Sign in with social account
or
Remember Me Lost your Password?
Registration Login
Sign in with social account
or
With registration you can comment on post.
Registration Login
Registration