Thaçi do t’ia kthejë Serbisë “dhuratën” e Rankoviqit

Një pjesë të veriut të Kosovës presidenti Hashim Thaçi po e quan “dhuratë” të Rankoviqit.

Presidenca nuk ka treguar se sa sipërfaqe territor përmban kjo “dhuratë”, por, sipas kreut të shtetit, bëhet fjalë për “një pjesë të Leposaviqit, Leshakun dhe një pjesë të Zubin-Potokut”, shkruan koha.

Duke deklaruar se Kosova nuk duhet të mbetet peng i të tilla “dhuratave”, analistët thonë se Thaçi po e bën të qartë idenë e tij për shkëmbim territoresh, ani se në publik e shet si “korrigjim” kufijsh.