Tërmetet dhe vërshimet në Shqipëri, Kamberi: Bujanoci ndihmon Shqipërinë 

Në një postim në rrjetet sociale kryetari i komunës së Bujanocit, Shaip Kamberi ka ftuar qytetarët dhe institucionet në Luginë të Preshevës të solidarizohen me Shqipërinë. Me qëllim të i ndihmohet familjeve të cilat kanë pësuar dëme materiale nga tërmeti dhe së fundi edhe vërshimet.  

Kamberi ndër të tjera tha se me moton “Shqipëria na Bashkon” edhe në mbledhjen e sotëm të këshillin komunal janë ndarë mjete. “Bujanoci ndihmon Shqipërinë. Derisa ditë më parë, Republikën e Shqipërisë respektivisht rajonin e Tiranës e Durrësit e kaploj një valë tërmetesh, të cilat fatmirësisht kaluan pa viktima por me shumë dëme materiale, Ministrja e Arsimit të Shqipërisë znj. Besa Shahini ftoi të gjithë ata që kanë mundësi për solidarizim me qytetarët e prekur nga tërmetet. Këshillit komunal në mbledhjen e sotme vendosi që me një shumë simbolike të marrë pjesë në këtë aksion solidar. Nën moton "Shqipëria na Bashkon", Kryetari i Kamberi fton të gjithë qytetarët dhe institucionet tjera te Luginës së Preshevës në solidarizim me Shqipërinë” – shkruan Kamberi. 

Po ashtu mos të harrojmë se sot në mbledhjen e Këshillit komunal është ndarë një shumë simbolike prej 120 mijë dinarëve në ndihmë të të prekurve nga tërmeti në Durrës dhe Tiranë të Shqipërisë.