Të rinjtë preshevar në hapje të Bibliotekës Muze të qytetit

Në kohën kur shumica e të rinjve shqiptar shohin mundësitë për punë në vendet perëndimore, në Preshevë, një grup i të rinjve nga organizata jo-qeveritare “New Ways” apo “Rrugë të Reja”, ka nisur renovimin e shtëpisë ku ka jetuar profesori i parë i gjuhës shqipe në Preshevë,  Adem Ahmeti, shtëpi e cila për lexuesit, vizitorët dhe qytetarët e Preshevës do të rihapet si Bibliotekë-Muze në fund të muajit Prill.

Adem Ahmeti ishte një ndër intelektualët e parë të komunës së Preshevës, njëherit si aktivist, veprimtarë e profesor  i parë i gjuhës dhe letërsisë Shqipe në Gjimnazin “Skënderbeu” në Preshevë.

Ishte dhe ngelet një ndër figurat më të respektuara për bindjet e tij progresiste, dhe angazhimin e tij për te drejtat e shqiptare në atë rajon, si ide universale e te drejtave te njeriut.

“Kultura duhet të ketë status të lirë, të mos ketë kurrfarë kufizimesh artificiale, kurrfarë pengesash, sepse kultura e mirëfilltë i takon të gjithë Botës, i takon gjithë njerëzimit. Çdo kulturë e veçantë nacionale duhet të ketë hapësirë të lirë që të gjej lexues, adhurues e shijues të veht” – citonte Ahmeti në intervistën e tij në vitin 1996.

Në vitin shkollor 1961/1962, në Preshevë u hapen paralelet e para të gjmnazit ‘Boro Stankoviq’ të Vranjës.

Shumica e lëndëve mësimore zhvilloheshin në gjuhën serbe për shkak të mungesës së kuadrit shqiptarë.

Ndërsa, në vitin 1968 me propozimin e disa profesorëve shqiptar gjimnazi emërohet me emrin ‘Skenderbeu’, i cili edhe sot mban këtë emër, Ahmeti ishte profesori i parë i gjuhës shqipe në atë kohë.

Rilind Shaqiri, koordinator I Bibliotekës-Muze “Adem Ahmeti” thekson se ideja ka ardhur si nevojë për hapësira ndryshe për zhvillimin e mendimit kritik dhe emancipimit shoqëror në qytet:

Iniciativa është përkrahur nga shumë aktivist e intelektual të komunës së Preshevës dhe rajonit.