Taksisti kosovar në Londër merr dhuratën e ëndrrave për Vit të Ri, një Tesla S 90 mijë funtesh (video)
Atraktive

Taksisti kosovar në Londër merr dhuratën e ëndrrave për Vit të Ri, një Tesla S 90 mijë funtesh (video)

07.Jan.2020 08:18
0

Një taksist kosovar që jeton në Croydon të Londrës, mbet i “tronditur” kur mori vesh se ka fituar një veturë në vlerë prej mbi 90 mijë funtesh natën e Vitit të Ri. 

Lufti Burniki mbet pa fjalë kur iu tha se kishte fituar një veturë Tesla Model S, e cila mund të arrijë shpejtësinë prej 100 km/h për vetëm 2.7 sekonda.

44 vjeçarit, që jeton në Broad Green bashkë me gruan dhe dy fëmijët, i janë dhënë edhe 20 mijë funte kesh.

“Ishte ndjenjë e mrekullueshme”, tha ai.

“Paratë do t’i shpenzoj me gruan dhe fëmijët e mi për një pushim shumë larg më 2020 – diku ku s’kemi qenë kurrë më parë”.

Burniki e fitoi këtë çmim mahnitës pasi kishte hyrë në një garë për makinën e ëndrrave BOTB, një kompani kjo me bazë në Fulham e cila nga viti 1999 kur edhe është hapur, ka dhuruar me qindra vetura.

Prezantuesi Christian Williams vizitoi shtëpinë e Burnikit, ku ai ka jetuar në dhjetë vjetët e fundit, të martën e kaluar (31 dhjetor) për t’ia dhënë lajmin e mirë.

Burniki kishte qenë duke i paketuar çantat për të shkuar në Belgjikë që ta presë vitin e ri me te motra e tij.

“U trondita. Nuk e kisha fare idenë, gruaja ime s’më tregoi fare”, 44-vjeçari.

“Po bëhesha gati për pushime kur ra zilja. Mendova se është thjesht postieri apo diçka e ngjashme, por më pas pash Christianin”, shton Lutfiu.

Me prejardhje nga Kosova, Burniki kishte shkuar në Britani të Madhe më shumë se 20 vjet më parë dhe tani jeton me gruan e tij, Valjetën 41 vjeçe, dhe me dy fëmijët, Benin 14 vjeç dhe Yllkën 12 vjeçe.

I zoti i shtëpisë thotë se s’do ta shfrytëzojë veturën e re për shërbime taksie. Ai do të vazhdojë ta shfrytëzojë Volkswagen Sharanin e tij për punë ndërsa Teslan për kënaqësi.

“Jam taksist në Londër dhe doja një veturë të re që është e mirë dhe nuk lëshon shumë gazra, kështu që Tesla është e përkryera”, tha ai.

“Megjithatë, kam vendosur se është veturë shumë e mirë për ta përdorur për taksi prandaj do ta përdori vetëm për vete dhe familjen time, së paku për fillim”.

Shikojeni në video reagimin e Lutfiut kur merr vesh se është fituesi i javës i Tesla Model S.

 

Aleatët dhe armiqtë e Iranit në Lindjen e Mesme, në rast të shpërthimit të një lufte botërore
10 zbulime që ndodhën në Iran apo nga iranianët (foto)
Registration Login
Sign in with social account
or
Remember Me Lost your Password?
Registration Login
Sign in with social account
or
With registration you can comment on post.
Registration Login
Registration