Të lajmërohen qytetarët që u janë konfiskuar revolet personale dhe armët e gjuetisë gjatë vitit 1999, mundësi e heqjes së tatimit
Njoftohen të gjithë qytetarët e komunës së Bujanocit të cilëve në vitin 1999 gjatë kohës së bombardimeve të NATOS, nga ana e policisë ju kanë konfiskuar revolet personale dhe arma e gjuetisë.Sipas njoftimit nga Ministria e Financave - Sektori për tatime qytetarët janë ngarkuar me taksa vjetore për posedim të armëve edhe pse nuk e posedojnë, munden që të paraqiten në shërbimin e të ardhurave dhe tatimeve - filiala në Bujanoc në mënyrë që t’ju shlyhen borxhet në kohë retroaktive që nga data e konfiskimit të armës personale, transmeton titulli.com.
“Paraprakisht çdo qytetarë që do të kërkojë shlyerjen e obligimit tatimorë në emër të taksës për armën personale ose armë gjuetie është i obligueshëm ta siguroj vërtetimin valid nga Stacioni i policisë në Bujanoc”, thuhet në njoftimin nga Ministria e Financave.
Kjo Ministri njofton se afati i paraqitjes për shlyerjen e borxheve do të jetë në fuqi deri më 10 maj, pas kësaj date do të pasojnë paditë gjyqësore ndaj borxhlinjve, duke u bazuar në faturimin dhe gjendjen e borxheve që figurojnë deri në momentin e ngritjes të padisë.
