Lokale
“Shqipëria e vjetër verilindore e Nishit dhe Toplicës”, promovohet në Preshevë
Është promovuar libri “Shqipëria e vjetër verilindore e Nishit dhe Toplicës” i autorit Reshat Avdiu. Në promovim morën pjesë familjarë, shok, miq dhe shumë mysafirë. Libri është mjaftë voluminoz ku përmban afër 600 faqeve, raporton tvp.
Reshat Avdiu në promovimin e librit të tij “Shqipëria e vjetër verilindore e Nishit dhe Toplicës 1878 – 1913” ka mbledhë sot së bashku familjarë, miq, shok, dhe mysafirë të shumtë nga trojet shqiptare në sallën e kuvendit komunal të Preshevës.
Në libër përshkruhen hollësisht shumë luftëra, kurse vepra është e ndarë në 7 pjesë dhe 24 kapitujt. Në libër jepen në pah edhe vendbanimet e popullatës autoktone të Nishit dhe Toplicës. Për argumente në libër merren shembuj edhe nga historianët dhe arkeologët e huaj.
Lektori i libri Hasan Emërllahu tha se deri më tash asnjë historian nuk është marrë me historikun e Vranjës pjesën verilindore të Shqipërisë.
Ndërsa për recensentin i librit “Shqipëria e vjetër verilindore e Nishit dhe Toplicës” Kurtesh Devaja libri përbën pjesën më kryesore të së kaluarës të shqiptarëve. Ndërsa për Reshat Avdiun, Devaja tha fjalë të mëdha. Për recensentin tjetër Ismet Bajrami në libër është thënë ajo që është më e çmueshme.
Në promovim të librit morën pjesë edhe mysafirë nga Medvegja. Rexhep Abazi e përshëndeti botimin e librit të cilin e cilësoi mjaftë të madh për nga rëndësia.
E autori i librit “Shqipëria e vjetër verilindore e Nishit dhe Toplicës” Reshat Avdiu e përshkroi në pika të shkurtra tematikën e librit./Titulli.com/
Mund ti tregoni shoqërisë për këtë artikull!
