Shkolla e Tërnocit zgjedh drejtorin

Në garën shumë të fortë morën pjesë dy kandidatë, të dy dikur ushtrues të detyrës së drejtorit të këtij institucioni arsimor fillor.

Timonin e shkollës do ta marrë arsimtari i Gjuhës dhe Letërsisë Serbe, Naim Salihu, i cili fitoi vetëm me një votë diferencë ndaj pedagogut Selami Jakupi, raporton Titulli.com.

Këshilli i shkollës në “Muharrem Kadriu” i përbërë prej nëntë anëtarëve, 5  vota i dha për Naim Salihun, kundrejt 4 vota që arriti t’i grumbullojë Jakupi.

Drejtori i sapo zgjedhur, para kandidimit ushtronte detyrën e drejtorit, ndërsa para tij në postin e njëjtë ishte edhe kandidati Selami Jakupi.

Ky i fundit edhe pse nuk arriti të emërohet në postin e drejtorit me votat e Këshillit të shkollës, fitoi simpatinë e kolektivit të këtij institucioni arsimor, duke marrë më shumë vota se sa drejtori i sapo emëruar Naim Salihu.

Votat e kolektivit nuk kanë fuqi përzgjedhëse, përveç dhënies së mendimit për kandidatin e preferuar. /Titulli.com/