Shkarkohet drejtori i shtëpisë së shëndetit në Preshevë, emërohet ushtrues detyre Spasiq
Shkarkohet drejtori i shtëpisë së shëndetit në Preshevë, Driton Salihu. Këtë e ka konfirmuar vet ai përmes një postimi në facebook.
Postimi në Facebook nga Driton Salihu:
Sot, me një vendim të ministrit të Shëndetësis z. Lonçar pa asnjë arsyje jam shkarkuar nga posti i drejtorit të Shtëpisë së Shëndetit "Presheva" në Preshevë.
Siç e dini isha i vetmi drejtor i Shtëpisë së Shëndetit në gjithë Republikën e Serbisë që i përkasë kombësisë shqiptare, ndërkaq kompetencat për drejtoriatin e këtij institucioni janë bartur vite më parë në pushtetin qendror të Serbisë në Beograd. Ushtrues detyre i drejtorit është emëruar në Shtëpinë e Shëndetit në Preshevë Boban Spasiq.
Shfrytëzoj rastit t'i falënderoj të gjithë stafin mjeksor të shtëpisë së shëndetit për bashkëpunimin e frytshëm këto vite sa isha udhëheqës i këtij institucioni.
Gjithashtu falënderoj gjithë pacientat si dhe qytetarët e Komunës së Preshevës për përkrahjen në këto situata të rënda gjatë pandemisë globale me Covid-19.
Zoti ju ruajt. Ruajeni shëndetin
